Tasbeeh Hazrat Fatima Zahra (A.S.)

Jiski fazeealtein ahaadees mein itni zyada hain ke unka saheeh shumaar namumkin hai. Imam Ja'far Sadiq Alaihis Salaam se manqool hai ke hum apne bachchon ko Tasbeeh Hazrat Fatima Zahra Alaihas Salaam padhne ka hukm is tarah dete hain jis tarah unhein Namaaz ki taakeed karte hain. Lehaza ise hargiz tark na karna chaahiye aur jo shakhs ise musalsal padhega woh hargiz shaqi bad-bakht na hoga.

Aur mo'tabar riwaayaat mein hai ke Khudaawand-e-Aalam ne Quraan-e-Majeed mein jis Zikr-e-Kaseer ka hukm diya hai woh Janaab Fatima Alaihas Salaam ki Tasbeeh hai. Aur jo har Namaaz ke ba'd isko padhta rahega goya usne:

par amal karte hue Khuda ko bahut zyada yaad kar liya hai. Imam Muhammad Baqir Alaihis Salaam se mo'tabar sanad ke saath riwaayat hai ke jo shakhs Tasbeeh Hazrat Fatima Salamullahi Alaiha padh kar Istighfaar kare Khudaawand-e-Aalam use bakhsh dega.

Aur Tasbeeh ke kul kalimaat sau hain lekin Meezaan-e-Amal mein iski ta'daad ek ek hazaar hai. Tasbeeh se Shaitaan door hota hai, Khudaawand-e-Aalam ki khushnudi haasil hoti hai.

Aur Imam Sadiq (A.S.) se manqool hai ke jo shakhs Namaaz ke ba'd pairon ko harkat dene se pehle Tasbeeh Fatima Zahra Salamullahi Alaiha padhega use bakhsh diya jaaye aur uske liye Jannat waajib ho jaaye gi.

Doosri mo'tabar hadees mein hai ke mere nazdeek har Namaaz ke ba'd Hazrat Fatima Salamullahi Alaiha ki Tasbeeh padhna har roz hazaar rak'at Namaaz padhne se behtar hai.

Hazrat Imam Muhammad Baqir Alaihis Salaam ne farmaya ke koi bhi Zikr-e-Khuda aisa nahi hai jiske zariye Tasbeeh Hazrat Fatima Salamullahi Alaiha se behtar Tasbeeh o Tamjeed Parwardigaar ki jaa sakti ho aur agar koi cheez is se behtar hoti to Rasool-e-Akram (S.A.W.) zaroor use Hazrat Fatima (A.S.) ko ataa farmate. Khulasa yeh ke is fazeealat mein itni zyada riwaayaat hain ke unko is risaale mein bayaan nahi kiya jaa sakta hai.

Tasbeeh Fatima Zahra Salamullahi Alaiha Ka Tareeqa

Tasbeeh ke tareeqe mein bhi riwaayaat mein qadre ikhtilaaf paaya jaata hai.

Lekin sabse behtar mashhoor tareeqa yeh hai ke 34 baar:

33 baar:

Aur 33 baar:

Tasbeeh ke tareeqe mein bhi riwaayaat mein qadre ikhtilaaf paaya jaata hai lekin sabse behtar mashhoor tareeqa yeh hai ke 34 baar Allaho Akbar, 33 baar Alhamdulillah aur 33 baar Subhaanallah kahe aur ba'z riwaayaat mein Subhaanallah, Alhamdulillah se pehle bhi waarid hua hai aur ba'z ulamaa ne in riwaayaat ki is tarah wazaahat ki hai ke Namaaz ke ba'd pehley tareeqe se aur sone se pehle doosre tareeqe ke mutaabiq Tasbeeh padhe agarche zaahiran pehle hi tareeqe se padhna har maqaam par behtar hai. Aur mustahab yeh hai ke Tasbeeh ke ba'd ek baar:

Kahe jaisa ke Imam Sadiq Alaihis Salaam se riwaayat hai ke jo shakhs waajib Namaaz ke ba'd Tasbeeh Fatima padh kar ek baar Laa Ilaaha Illallaahu kahega Khudaawand-e-Aalam uske gunaahon ko mu'aaf kar dega.