Duniya Wa Aakhirat Ki Bhalaa'i Ki Du'a

8. Shaikh Ahmad bin Fahad (R.A.) aur doosre afraad ne riwaayat ki hai ke ek shakhs ne Hazrat Imam Moosa Kazim (A.S.) ki khidmat mein shikaayat ki ke mera kaarobaar band ho gaya hai aur jo kaarobaar bhi shuroo' karta hoon usmein koi nafa' nahi hota hai aur jis haajat ki taraf rukh karta hoon woh poori nahi hoti hai to Aap (A.S.) ne farmaya ke Namaaz-e-Subh ke ba'd kaha karo:

Raawi ka bayaan hai ke abhi mujhe is par amal karte hue zyada waqt nahi guzra tha ke kuch logon ne mujhe yeh khabar di ke tumhare khaandaan ka ek shakhs intaqaal kar gaya hai aur tumhare alaawa uska koi waaris nahi hai. Chunanche mujhe saara maal mil gaya aur main ab tak be-niyaaz hoon.

Duniya Wa Aakhirat Mein Kaam Aane Waali Aasaan Du'a Usool-e-Kaafi aur Makaarim-ul-Akhlaaq mein hai ke ek Halqaam naam ke aadmi ne Aan Hazrat (S.A.W.) se arz ki ke mujhe aisi du'a ta'leem farmayiye jo duniya o aakhirat dono ke liye ho aur aasaan bhi ho. Hazrat (S.A.W.) ne use yeh du'a ta'leem farmaayi ke isko Namaaz-e-Subh ke ba'd Tulu'-e-Aaftaab se pehle padh liya karo aur usne jab ise paabandi se padha to uski haalat behtar ho gayi.