پچیسویں تاریخ : پچیس ۲۵؍ رجب ۱۸۳ھ؁ میں حضرت امام موسیٰ کاظم علیہ السلام پچپن سال کی عمر میں بغداد میں شہید کئے گئے لہٰذا اس دن آل محمدؐ اور ان کے شیعوں کا غم تازہ ہو جاتا ہے۔

ستائیسویں شب : بعثتِ پیغمبرؐ کی رات ہے اور نہایت متبرک رات ہے۔ اس میں چند اعمال ہیں :

۱شیخؒ نے مصباح میں حضرت امام محمد تقی علیہ السلام سے روایت کی ہے کہ رجب میں ایک ایسی رات بھی ہے جو ہر اس چیز سے بہتر ہے جس پر سورج چمکتا ہے اور وہ ۲۷؍ رجب کی رات ہے جس کی صبح پیغمبرؐ اسلام مبعوث بہ رسالت ہوئے۔ میرے شیعوں میں سے عمل کرنے والے اس شب میں ساٹھ سال کے عمل کا ثواب لکھا جاتا ہے کسی نے عرض کیا کہ اس رات کا عمل کیا ہے تو فرمایا کہ جب نماز عشاء بجا لا چکے اور بستر راحت پر چلا جائے تو آدھی رات سے قبل بیدار ہو کر بارہ رکعت نماز بجا لائے ۔ ہر رکعت میں حمد اور چھوٹے مفصل سوروں میں سے کوئی ایک سورہ پڑھے۔ مفصل سورۂ محمد سے آخر قرآن تک ہے ۔جب ہر دو رکعت پر سلام کے ساتھ نمازوں سے فارغ ہو جائے تو بیٹھ کر حمد کو سات مرتبہ اور سورة الفلق سورة الناس کو سات مرتبہ اور قل ھو اللہ احد اور قل یا ایہا الکفرون میں سے ہر ایک کو سات مرتبہ پڑھے اور انا انزلناہ اور آیت الکرسی کو بھی سات مرتبہ پڑھے اور ان سب کے بعد یہ دعا پڑھے ۔

پھر جو دعا چاہے طلب کرے اور شب میں غسل بھی مستحب ہے اور پندرہویں رجب کی رات میں جو نماز گذر چکی ہے وہ اس شب میں بھی پڑھی جاتی ہے۔