شب نیمۂ شعبان

انتہائی مبارک رات ہے۔ اس کے بارے میں امام صادقؑ سے روایت ہے کہ امام باقرؑ سے اس رات کے فضائل کے بارے میں سوال کیا گیا تو آپ نے فرمایا کہ یہ رات شب قدر کے بعد تمام راتوں سے افضل ہے۔ پروردگار اس رات میں اپنا فضل وکرم عنایت کرتا ہے اور بندوں کو اپنے کرم سے معاف کر دیتا ہے۔ کوشش کرو کہ اس رات میں خدا کا تقرب حاصل کرو۔ یہ وہ رات ہے جس کے بارے میں پروردگار نے اپنی ذات کی قسم کھائی ہے کہ اپنے سائلوں کو اپنی بارگاہ سے خالی ہاتھ واپس نہیں کرے گا جب تک کہ کسی معصیت کا سوال نہ کریں۔ یہ وہ رات ہے جسے پروردگار عالم نے ہمارے لئے اسی طرح قرار دیا ہے جیسے شب قدر کو پیغمبر کے لئے۔ لہٰذا اس رات میں دعا و ثناءِ پروردگار کی کوشش کرو۔ اس رات کی برکتوں میں عظیم ترین برکت یہ ہے کہ اس رات میں سلطان عصر حضرت امام زمانہ علیہ السلام کی ولادت باسعادت ۲۵۵ھ؁ میں ہوئی ہے۔

اس رات میں چند اعمال یہ ہیں : ۔

۱غسل جو باعث تخفیف گناہ ہے۔

۲نماز و دعا و استغفار کے ساتھ شب بیداری، جیسا کہ امام سجادؑ کرتے تھے اور روایت میں ہے کہ اس رات میں شب بیداری کا دل روز قیامت مردہ نہیں ہو سکتا ہے۔

۳زیارت امام حسینؑ جو اس رات کے بہترین اعمال میں ہے اور گناہوں کی بخشش کا ذریعہ ہے۔ جو شخس چاہتا کہ ایک لاکھ چوبیس ہزار پیغمبروں سے مصافحہ کرے اسے چاہئے کہ اس رات میں امام حسینؑ کی زیارت کرے اور کم سے کم زیارت یہ ہے کہ پشت بام پر جا کر داہنے بائیں دیکھ کر سر آسمان کی طرف بلند کرے اور کہے۔

جو شخص جہاں بھی ہے اسی طریقے سے حضرت کی زیارت کر سکتا ہے اور امید ہے کہ اسے حج و عمرہ کا ثواب دیا جائے گا۔ ہم باب زیارات میں اس رات کی مخصوص زیارت کا بھی ذکر کریں گے۔

۴یہ دعا پڑھے جس کو شیخ طوسیؒ اور سید بن طاؤس ؒ نے نقل کیا ہے اور جو بمنزلۂ زیارت امام عصر عجل اللہ تعالیٰ فرجہ الشریف ہے۔

۵شیخ طوسیؒ نے اسمائیل بن فضل ہاشمی سے روایت کی ہے کہ امام جعفر صادقؑ نے شب نیمۂ شعبان کے لئے مجھے یہ دعا تعلیم کی ہے۔

۶اس رات میں اس دعا کو پڑھے جو رسول اکرمؐ سے نقل کی گئی ہے۔

یہ دعا انتہائی جامع و کامل ہے۔ اس کو دوسرے اوقات میں بھی پڑھا جا سکتا ہے۔ عوالی اللیٔالی سے نقل کیا گیا ہے کہ رسول اکرمؐ اس دعا کو ہمیشہ پڑھا کرتے تھے۔

۷ہر روز کی صلوات جو وقت زوال پڑھی جاتی ہے اسے بھی پڑھے ۔

۸ دعائے کمیل پڑھے کہ اس کا ورود بھی اسی شب میں ہوا ہے۔

۹سو مرتبہ کہے تا کہ پروردگار اس کے گناہوں کو معاف کر دے اور اس کی حاجتوں کو پورا کر دے۔

۱۰شیخ نے مصباح میں ابو یحیٰ سے فضیلت نیمۂ شعبان کے ذیل میں نقل کیا ہے کہ میں نے امام صادقؑ سے عرض کیا کہ اس شب میں بہترین دعا کیا ہے؟ فرمایا کہ نماز عشاء کے بعد دو رکعت نماز پڑھے۔ پہلی رکعت میں سورۂ حمد اور قل یا ایہاالکفرون اور دوسری رکعت میں سورۂ حمد اور سورۂ قل ھو اللہ، سلام کے بعد ۳۳؍ مرتبہ سبحان اللہ ، ۳۳؍ مرتبہ الحمد للہ اور ۳۴؍ مرتبہ اللہ اکبر کہے اس کے بعد یہ کہے۔

اس کے بعد سجدے میں جائے اور بیس مرتبہ

سات مرتبہ

سات مرتبہ

دس مرتبہ

اور دس مرتبہ

کہے اور پھر محمدؐ و آل محمدؐ پر صلوات پڑھ کر اپنی حاجتیں طلب کرے۔ خدا کی قسم اگر اس کی حاجتیں بارش کے قطرات کے برابر ہوں گی تب بھی پروردگار اپنے فضل وکرم سے انھیں پورا کر سکتا ہے۔

۱۱شیخ طوسیؒ اور کفعمیؒ نے فرمایا ہے کہ اس شب میں یہ دعا بھی پڑھے۔

یہ وہ دعا ہے جو سحر کے وقت نمازِ شفع کے بعد بھی پڑھی جاتی ہے۔

۱۲نماز شب کی اور نمازِ شفع کی ہر دو رکعت کے بعد اور نما ز وتر کے بعد وہ دعائیں پڑھے جو شیخؒ و سیدؒ نے نقل کی ہیں۔

۱۳وہ سجدے اور دعائیں بجا لائے جو رسول اکرمؐ سے منقول ہیں، جن میں سے ایک روایت وہ ہے جو شیخ نے حماد بن عیسیٰ سے ابان بن تغلب کے واسطہ سے نقل کی ہے کہ امام جعفر صادقؑ نے فرمایا کہ جب نیمۂ شعبان کی رات آئی تو رسول اکرمؐ حجرۂ عائشہ میں گئے۔ آدھی رات کے بعد آپ اٹھے اور عبادت میں مشغول ہوگئے۔ اس کے بعد عائشہ کی آنکھ کھلی تو دیکھا کہ پیغمبر حجرہ میں موجود نہیں ہیں۔ خیال پیدا ہوا کہ شاید کسی اور زوجہ کے پاس چلے گئے ہیں لہٰذا چادر سنبھال کر تلاش میں نکل پڑیں اور مختلف ازواج کے حجرہ میں جائزہ لیا۔ ایک مرتبہ دیکھا کہ حضرتؐ سجدہ میں ہیں اور جیسے چادر زمین سے چپکی ہوئی ہو۔ قریب جا کر دیکھا تو دیکھا کہ آپ سجدہ میں ہیں اور کہہ رہے ہیں۔

اس کے بعد حضرت نے سر اٹھایا ار دوبارہ سجدہ میں گئے تو عائشہ نے سنا کہ کہہ رہے ہیں۔

پھر حضرت نے دونوں رخسارے خاک پر رکھے اور یہ دعا کی۔

اس کے بعد جب رسول اکرمؐ نے اٹھنا چاہا تو عائشہ دوڑ کر اپنے بستر پر چلی گئیں۔ آپ تشریف لائے اور دیکھا کہ خراٹے مار رہی ہیں۔ فرمایا یہ کیا طریقہ ہے۔ کیا تمھیں نہیں معلوم ہے یہ کون سی رات ہے۔ یہ شب نیمۂ شعبان ہے۔ اس میں روزی تقسیم ہوتی ہے، زندگیاں لکھی جاتی ہیں اور حج میں جانے والوں کا فیصلہ ہوتا ہے۔ خدا کی قسم آج کی رات پروردگار عالم اس کثرت سے بندوں کو معاف کرتا ہے جو قبیلہ بنی کلب کے بکریوں کے بالوں سے بھی زیادہ ہیں۔ اور خدا ملائکہ کو آسمان سے زمین کی طرف نازل کرتا ہے۔

۱۴نماز جعفر طیار ادا کرے جیسا کہ شیخؒ نے امام رضاؑ سے نقل کیا ہے۔

۱۵آج کی شب کی نمازوں کو بجا لائے جو بہت زیادہ ہیں جن میں سے ایک نماز وہ ہے جس کی روایت ابو یحیٰ صنعانی نے امام جعفر صادقؑ سے کی ہے اور ان دونوں بزرگواروں نے تیس۳۰ ؍ بزرگ افراد سے روایت کی ہے کہ جب نیمۂ شعبان آئے تو چار رکعت نماز ادا کرو اور ہر رکعت میں سورۂ حمد کے بعد سو مرتبہ قل ھو اللہ پڑھو۔ جب نماز ختم ہو جائے تو کہو۔

واضح رہے کہ اس رات میں سو رکعت نماز کی بھی بے حدفضیلت وارد ہوئی ہے جس مین ہر رکعت میں سورۂ حمد کے بعد دس مرتبہ قل ھو اللہ پڑھا جائے اور ماہ رجب کے اعمال میں اس چھ رکعت نماز کا طریقہ بھی بیان کیا جا چکا ہے جس میں سورۂ حمد، یٰسٓ، سورۂ ملک اور توحید پڑھا جاتا ہے۔