ماہِ رمضان کی راتوں کے اعمال

وہ اعمال جو صر ف ماہ رمضان کی راتوں میں انجام دیئے جاتے ہیں اور ان میں چند چیزیں ہیں:

۱ افطار____مستحب ہے کہ مغرب کی نماز کے بعد افطار کرے لیکن اگر ضعف کا غلبہ ہے یا دوسرے لوگ انتظار کر رہیں ہیں تو اس سے پہلے بھی کرسکتا ہے۔

۲ پاکیزہ چیز سے افطار کرے اور بہتر یہ ہے کہ حلال خرما سے افطار کرے تا کہ نماز کا ثواب بھی چار سو گنا ہوجائے ۔ خرما، پانی، رطب، دودھ،ہلوہ، مصری یا آب گرم سے افطار کرنا بہترین بات ہے۔

۳ وقت افطار اس طرح کی دعائیں پڑھے جن میں سے ایک یہ بھی ہے:

تاکہ خدا ہر اس شخص کے برابر ثواب دے جس نے اس دن روزہ رکھا ہے اور اگر دعائے

پڑھ لے جس کو سیدؒ اور کفعمیؒ نے نقل کیا ہے تو فضیلت اور زیادہ ہو جائے گی۔

روایت میں ہے کہ حضرت امیرالمومنین علیہ السلام جب افطار کرنا چاہتے تھے تو فرماتے تھے۔

۴ پہلےلقمہ کے ساتھ کہے

تا کہ پروردگار اس کو معاف کر دے۔ روایت میں ہے کہ پروردگار ماہ رمضان کے ہر دن کے آخر میں دس لاکھ افراد کو آتش جہنم سے آزاد کرتا ہے لہٰذا دعا کرے کہ اسے بھی انھیں لوگوں میں سے قرار دیدے۔

۵ وقت افطار سورۂ قدر کی تلاوت کرے۔

۶ وقت افطار صدقہ دے اور لوگوں کو افطار کرائے چاہے ایک خرمے اور ایک گھونٹ پانی سے ہو کہ رسول خداؐ سے روایت ہے کہ جو شخص کسی روزہ دار کو افطار کرائے اس کو بھی روزہ دار جیسا ہی ثواب ملے گا اور روزہ دار کے ثواب میں بھی کمی نہ ہو گی۔ اس کے علاوہ افطار سے جو قوت پیدا ہو گی اور اس سے جو اعمال انجام پائیں گے اس کا ثواب بھی ملے گا۔ آیۃ اللہ علامہ حلیؒ نے رسالہ سعدیہ میں امام جعفر صادق علیہ السلام سے نقل کیا ہے کہ اگر کوئی مومن کسی مومن کو ماہ رمضان میں ایک لقمہ بھی کھلادے گاتو پروردگار اسے تیس غلام آزاد کرنے کا ثواب عطا فرمائے گا اور بارگاہ الٰہی میں اس کی دعا مستجاب ہو گی۔

۷ ہر رات میں ہزار مرتبہ ‘‘اناانزلناہ’’ کی تلاوت کرے ۔

۸ ہر شب میں سو مرتبہ حٓمٓ دخان کی تلاوت کرےاگر ممکن ہو۔

۹ سید ؒ نے روایت کی ہے کہ ہر شب ماہ رمضان اگر یہ دعا پڑھے تو چالیس سال کے گناہ معاف ہو جائیں گے۔

۱۰ ہر رات دعائے حج پڑھے جو پہلی قسم کے اعمال میں گذر چکی ہے۔