ماہِ رمضان کی آخری دس راتوں کے اعمال

بہرحال آج کی رات ان دعاؤں کو شروع کرے جو کہ آخری عشرے کی دعائیں ہیں جن میں سے یہ بھی دعا ہے جسے شیخ کلینیؒ نے کافی میں امام صادق علیہ السلام سے نقل کیا ہے کہ آپ نے فرمایا ماہِ رمضان کے آخری عشرہ میں ہر شب یہ دعا پڑھے۔

۲کفعمیؒ نے بلدالامین کے حاشیہ میں نقل کیا ہے کہ امام جعفر صادقؑ آخری عشرہ کی رات میں فرائض اور نوافل کے بعد یہ دعا پڑھتے تھے۔

فرمایا کہ جو شخص ایسا کہے گا پروردگار گذشتہ ایّام کی تمام کوتاہیوں کو معاف کردے گا اور آئندہ آخر ماہ تک اسے گناہوں سے محفوظ رکھے گا۔

۳سید ابن طاؤسؒ نے اقبال میں ابن ابی عمر سے مرازم سے نقل کیا ہے کہ امام صادق علیہ السلام آخری عشرہ کی ہر شب میں یہ دعا پڑھتے تھے۔

۴بعدہ اس دعا کی تکرار کرے

۵وہ دعا بھی ہے جو کافی میں اپنی سند کے ساتھ مقنعہ اور مصباح میں بغیر سند کے ساتھ نقل کی گئی ہے کہ آخری عشرہ کی پہلی رات یعنی اکیسویں شب یہ دعا پڑھے۔

کفعمیؒ نے سید ابن باقیؒ سے نقل کیا ہےکہ اکیسویں شب میں یہ دعا پڑھے۔

اور روایت میں یہ ہے کہ حماد بن عثمان اکیسویں شب میں امام صادقؑ کی خدمت میں حاضر ہوئے۔ حضرت نے پوچھا کہ کیا تم نے غسل کر لیا ہے؟ عرض کی یقیناً۔ آپ پر میری جان قربان۔ آپ نے حصیر طلب کی اور مشغول نماز ہو گئے اور برابر نماز پڑھتے رہے اور حماد بھی حضرت کے ساتھ نمازیں ادا کرتے رہے یہاں تک کہ آپ نماز سے فارغ ہوئے تو آپ نے دعا کی۔ حماد نے آمین کہی۔ یہاں تک کہ طلوع فجر کے وقت حضرت نے اذان و اقامت کہی اور اپنے غلاموں کو بھی طلب کیا۔ اس کے بعد نماز صبح ادا فرمائی۔ پہلی رکعت میں سورۂ حمد و اناانزلناہُ اور دوسری رکعت میں حمد و توحید پڑھی۔ نماز کے بعد تسبیح و تمحید و تقدیس اور ثنائے پروردگار محمدؐ و آل محمدؐ پر صلوات اور مومنین و مومنات کے لئے دعاؤں میں مشغول ہوگئے پھر اس کے بعد سجدے میں سر رکھا اور ایک ساعت تک سوائے سانسوں کے اور کوئی آواز سنائی نہ دیتی تھی۔ اس کے بعد یہ دعا پڑھی۔

جو اقبال میں نقل کی گئی ہے اور شیخ کلینیؒ نے روایت کی ہے کہ امام باقرؑ اکیسویں اور تیئسویں شب میں آدھی رات تک دعائے پڑھتے رہتے تھے اور اس کے بعد نمازیں شروع کرتے تھے اور اس ماہ کی آخری عشرہ میں ہر رات میں غسل بھی مستحب ہے اور روایت میں ہے کہ رسول اکرمؐ اس عشرہ کی ہر شب میں غسل کرتے تھے اور اس عشرہ میں اعتکاف بھی مستحب ہے جس کی بے پناہ فضیلت ہے اور یہ اعتکاف کا بہترین وقت ہے۔ رسول اکرمؐ کی تاریخ میں ہے ماہِ رمضان کے آخری عشرہ میں اعتکاف فرماتے تھے۔ آپ کے لئے مسجد میں ایک خیمہ نصب کر دیا جاتا تھا اور آپ دامن کو سمیٹ لیتے تھے بستر کو پلٹ دیتے تھے واضح رہے کہ ۴۰ھ؁ میں اکیسویں شب میں مولائے کائنات امیر المومنینؑ کی شہادت واقع ہوئی ہے جس کی بنا پر آل محمدؐ کے چاہنے والوں کا غم تازہ ہو جاتا ہے۔ روایت ہے کہ اس شب بھی شبِ شہادت امام حسینؑ کی مانند زمین سے جو پتھر اٹھایا جاتا تھا اس کے نیچے تازہ خون جوش مارتا تھا۔ شیخ مفیدؒ نے فرمایا ہے اس رات میں بکثرت صلوات پڑھے اور آل محمدؐ کے ظالموں اور امیرالمومنینؑ کے قاتلوں پر لعنت کرے اور اکیسویں، روزِ شہادت امیرالمومنینؑ ہے لہٰذا مناسب ہے کہ آپ کی زیارت پڑھی جائے اور وہ کلمات ادا کیئے جائیں جو جناب خضر نے ادا کئے تھے اور جو اس دن بمنزلہ زیارت ہے۔