تیئسیویں شب کے اعمال مخصوصہ

ہدیۃ الزائر میں ہے کہ یہ دوسری شبہائے قدر سے افضل ہے اور بہت سی حدیثوں سے معلوم ہوتا ہے کہ اصلی شب قدر یہی ہے۔ اس شب میں تمام امور حکمت خدا کے مطابق مقدر ہوتے ہیں۔ اس شب کے لئے دو شبوں کے اعمال کے علاوہ چند اعمال ہیں:

۱ سورۂ عنکبوت و روم کو پڑھنا کہ امام صادقؑ نے بقسم فرمایا ہے کہ ان دونوں سوروں کا اس رات میں پڑھنے والا اہلِ بہشت میں ہے۔

۲ سورۂ حٰمٓ دخان کا پڑھنا۔

۳ ہزار مرتبہ سورۂ اناانزلناہُ پڑھنا ۔

۴ اس شب میں بلکہ تمام اوقات میں دعا۔۔۔

۵ یہ دعا پڑھے ۔

۶یہ دعا پڑھے۔

۷یہ دعا پڑھے جو اقبال میں نقل کی گئی ہے ۔

اس کے بعد اپنی حاجتیں طلب کرے ۔

۸ اوّل شب کے غسل کے علاوہ ایک غسل آخری شب میں بھی وارد ہوا ہے۔ واضح رہے کہ اس رات کے غسل، شب بیداری، زیارت امام حسین ؑ اور سو رکعت نماز کی بے پناہ فضیلت اور تاکید وارد ہوئی ہے۔ شیخؒ نے تہذیب میں ابو بصیر کے حوالہ سے امام صادقؑ سے روایت کی ہے کہ اس شب کے بارے میں یہ امید ہے کہ یہ شب قدر ہے لہٰذا سو رکعت نماز پڑھو ہر رکعت میں دس مرتبہ قل ھو اللہ پڑھو۔ ابوبصیرؒ نے عرض کی کہ مولا اگر اتنی طاقت نہ ہو کہ کھڑے ہو کر ادا کر سکوں۔ فرمایا بیٹھ کر پڑھو یا اگر بیٹھ کر پڑھنے کی بھی طاقت نہ ہو تو فرمایا کہ بستر پر لیٹ کر پڑھو۔ دائم الاسلام کی روایت ہے کہ رسول اکرمؐ ماہِ رمضان کے آخری عشرہ میں اپنے بستر کو لپیٹ دیتے تھے اور کمر کو محکم باندھ لیتے تھے عبادت کے لئے اور تیئسیویں شب میں اپنے گھر والوں کو بیدار کرتے تھے اور اگر کسی کو نیند آتی تھی تو اس کے چہرہ پر پانی چھڑکتے تھے ۔ حضرت فاطمہ علیہاالسلام بھی اپنے گھر والوں کو اجازت نہیں دیتی تھیں کہ سو جائیں اور ان کی نیند کا علاج غذا کی قلّت سے فرماتی تھی اور سب کو اس شب بیداری کے لئے آمادہ کرتیں تھیں کہ دن میں آرام کر لیں تاکہ رات کو نیند نہ آئے اور بیدار رہیں اور فرماتی تھیں کہ محروم وہی شخص ہے جو آج کی رات کی برکات سے محروم رہ جائے ۔ روایت میں ہے کہ امام صادقؑ سخت مریض تھے۔ مگر جب تیئسیویں شب آئی تو آپ نے اپنے غلاموں کو حکم دیا اور وہ آپ کو اٹھا کر مسجد میں لے آئے اور آپ صبح تک مسجد ہی میں رہے۔ علامہ مجلسیؒ نے فرمایا ہے کہ اس شب میں جتنا قرآن ممکن ہو پڑھے اور صحیفۂ کاملہ کی دعاؤں کو پڑھے خصوصاً دعائے مکارم الاخلاق دعائے توبہ اور یہ بھی یاد رہے کہ ان راتوں کے دن بھی راتوں ہی کی طرح محترم ہیں لہٰذا ان میں تلاوت، عبادت اور دعاؤں کا سلسلہ رہنا چاہئے۔ بلکہ معتبر روایات میں وارد ہوا ہے کہ روزِ قدر بھی فضیلت میں مثل شبِ قدر ہے۔