A'maal Roz-e-'Eid-ul-Adha

Eid-ul-Adha ka din hai aur badi fazeelat waala din hai. Is din ke chand a'maal hain:

1. Is roz ghusl karna sunnat-e-mu'akkadah hai aur ba'z 'ulamaa ne waajib bhi kaha hai.

2. Namaz-e-'Eid padhna is tarah jaise 'Eid-ul-Fitr ke silsila mein guzar chuki hai lekin is roz mustahab yeh hai ke iftaar namaz ke baad qurbānī ke gosht se kare.

3. Namaz-e-'Eid se qabl aur ba'd un du'aon ko padhe jo Iqbāl mein zikr hui hain aur shaayad behtareen du'a Ṣaḥīfah Kāmilah ki Dua No 48 hai jis ki ibtedaa

Phir chhiyāleeswīn 46 Du'a ko bhi padhe.

4. Dua al-Nudbah padhe jo aage aa rahi hai.

5. Qurbānī karna sunnat-e-mu'akkadah hai.

6. Takbīr ka padhna us shakhs ke liye jo Minā mein ho pandrah namazon ke ba'd jis ki ibtedaa Roz-e-'Eid ki Namaz-e-Zohr se hogi aur inteha terahween taarikh ki Namaz-e-Subh par hogi aur jo log doosre shehron mein hon woh das namazon ke ba'd padhein jis ki ibtedaa Roz-e-'Eid ke Zohr se hogi aur inteha baarah Dhī al-Ḥijjah ki Namaz-e-Subh ko hogi. Kāfī ki riwayat ke e'tebaar se woh takbīrāt yeh hain.

In takbīron ki takraar namazon ke ba'd ba-qadr-e-imkān mustahab hai aur Namaz-e-Naafila ke ba'd bhi mustahab hai.