نماز روز عید غدیر

۵دو رکعت نماز پڑھے اور سجدہ میں جا کر سو مرتبہ شکرِ خدا ادا کرے۔ پھر سجدہ سے سر اٹھائے اور یہ دعا پڑھے۔

پھر سجدہ میں جائے اور سو مرتبہ

اور سو مرتبہ

کہے۔ اور روایت میں ہے کہ جو شخص اس عمل کو بجا لائے وہ اس شخص کا ثواب رکھتا ہے جو روزِ عید رسولِؐ خدا کے قریب رہا ہو اور ان سے بیعت کی ہو ولایت پر اور بہتر یہ ہے کہ اس نماز کو زوال کے قریب ادا کرے کہ رسولؐ خدا نے اسی وقت امیر المومنین علیہ السلام کو غدیر خم میں لوگوں کا امام اور اپنا خلیفہ منصوب کیا تھا اور پہلی رکعت میں سورۂ قدر اور دوسری رکعت میں سورۂ توحید پڑھے۔

۶غسل کرے اور دو رکعت نماز ادا کرے زوال سے آدھے گھنٹہ قبل اور ہر رکعت میں ایک بار حمد اور دس مرتبہ قل ھو اللہ احد اور دس مرتبہ آیۃ الکرسی اور دس مرتبہ انّا انزلناہُ پڑھے جو ایک لاکھ حج اور ایک لاکھ عمرہ کے برابر ہے اور دنیا و آخرت کی حاجتوں کے پورا ہونے کا ذریعہ ہے____واضح رہے کہ اقبال میں اس نماز کے تذکرہ میں سورۂ قدر آیۃ الکرسی پر مقدم ہے اور علامہ مجلسیؒ نے زادالمعاد میں اقبال کا اتباع کیا ہے اور قدر کو مقدم رکھا ہے اور حقیر نے بھی دوسری کتابوں میں ایسا ہی کیا ہے۔ لیکن اب جب مزید جستجو کی تو آیۃ الکرسی کو سورۂ قدر پر مقدم پایا اور احتمال یہ ہے کہ اقبال میں سہو ہواہے خود سیدؒ کے قلم سے یا ان سے نقل کرنے والوں سے سورۂ حمد کے عدد کے بارے میں، اور قدر کے آیۃ الکرسی پر مقدم رکھنے کے بارے میں بھی اور یہ شاید کوئی مستقل عمل ہو اس نماز کے علاوہ تو یہ بہت بعید ہے۔ واللہ اعلم۔ بہتر ہے کہ اس نماز کے بعد یہ دعا پڑھے

۷دعاء ندبہ پڑھے۔

۸اس دعا کو پڑھے جسےسید بن طاؤسؒ نے شیخ مفیدؒ سے نقل کیا ہے۔

اور اگر چاہے تو دعائے مبسوط کو پڑھے جسے سیدؒ نے اقبال میں لکھا ہے۔

۹جب مومن سے ملاقات کرے تو اس طرح تہنیت ادا کرے۔

اور پھر یہ بھی پڑھے

۱۰سو مرتبہ پڑھے۔

اور واضح رہے کہ اس با فضیلت دن میں اچھے لباس پہننا، زینت کرنا، خوشبو استعمال کرنا، خوش ہونا، امیر المومنین کے شیعوں کو خوش کرنا اور ان کی تقصیروں کو معاف کرنا، حاجتوں کا پورا کرنا، صلہ رحم کرنا، عیال کے لئے وسعت پیدا کرنا، مومنین کو کھانا کھلانا، روزہ داروں کو افطار کرنا، مومنین سے مصافحہ کرنا، ان سے ملاقات کے لئے جانا، انھیں دیکھ کر مسکرانا، ان کے لئے تحفہ بھیجنا اور ولایت کی عظیم نعمت کے لئے شکر بجا لانا، زیادہ صلوات پڑھنا اور کثرت سے عبادت و اطاعت کرنا، ہر ایک عمل عظیم ترین فضیلت کا حامل ہے۔ اور اس روز جو ایک درہم برابر مومن کو دیتا ہے وہ اس ایک لاکھ درہم کے برابر ہوتا ہے جو اس کے علاوہ کسی اور دن دیا ہو اور اس دن مومن کو کھانا کھلانا تمام پیغمبروں اور صدیقین کو کھانا کھلانے کے برابر ہے۔ اور امیر المومنین علیہ السلام کے خطبہ میں ہے کہ روز غدیر جو شخص مومن روزہ دار کو افطار کرائے افطار کے وقت تو گویا اس نے دس فئام کو افطار کرایا ہے۔ کسی نے اٹھ کر پوچھا یا امیرالمومنینؑ یہ فئام کیاہے؟ فرمایا ایک لاکھ پیغمبر، صدیق اور شہید، تو اب سوچو اس شخص کا حال کیا ہو گا جو تمام مومنین ومومنات کی کفالت کرے۔ میں اس کے لئے خدا کی بارگاہ میں ضامن ہوں کفر فقر وغیرہ سے محفوظ رہنے کا۔ مختصر یہ کہ اس دن کی فضیلت ذکر سے بالا تر ہے۔