Ghusl-e-Mayyit ke Aadaab
Mayyit ko teen ghusl dena chaahiye pehla ghusl aab-e-sidr se, doosra ghusl aab-e-kafoor se, teesra ghusl aab-e-khaalis se aur ghusl-e-mayyit ka tareeqah wohi hai jo ghusl-e-janaabat ka hai.
Ibtidaa kareñ teen martaba mayyit ke haathoñ ko dhone se, phir us ki sharm-gaah ko dho'eñ ishaarah se teen martaba phir us ko beeri ke jhaag se us ke gardan ka ghusl teen martaba kareñ.
Phir isi tarah daahni jaanib aur phir baa'iiñ jaanib aur apne haath ko mayyit ke poore jism par kheen'che, yeh sab ka sab dhona aab-e-sidr se hona chaahiye.
Phir bartanoñ ko dho'e taa-ke sidr ka asar khatm ho jaaye. Paani doosre bartan meiñ rakh kar kafoor milaayeñ aur aab-e-sidr ke ghusl ki tarah aab-e-kafoor se ghusl deñ aur baaqi paani ko gira deñ aur us ko dho kar khaalis paani leñ aur teesra ghusl khaalis paani se deñ aur ghusl dene waala mayyit ke daahni jaanib khaṛa ho aur jab bhi mayyit ke kisi 'uzw ka ghusl kare to 'Afwan 'Afwan kahe.
