نماز جناب فاطمہ علیہا سلام

روایت میں ہے کہ جناب فاطمہؐ یہ دو رکعت نماز ادا کرتی تھیں جسے جبرئیل امین نے آپ کو بتایا تھا اور جس کی پہلی رکعت میں سورۂ حمد کے بعد سو مرتبہ انا انزلناہ ہے اور دوسری رکعت میں سورۂ حمد کے بعد سو۱۰۰مرتبہ سورۂ توحید۔ نماز کے بعد آپ یہ دعا پڑھتی تھیں

سید بن طاؤسؒ نے فرمایا ہے کہ دوسری روایت میں یہ بھی وارد ہوا ہے کہ اس نماز کے بعد تسبیح جناب فاطمہؑ پڑھے جو ہر نماز کے بعد پڑھی جاتی ہے اور اس کے بعد سو مرتبہ محمدؐ و آل محمدؐ پر صلوات پڑھے ۔

شیخؒ نے مصباح المتہجد میں فرمایا ہے کہ نماز جناب فاطمہؑ دو رکعت ہے۔ پہلی رکعت میں حمد کے بعد سو مرتبہ انا انزلناہ اور دوسری رکعت میں حمد کے بعد سو مرتبہ قل ھو اللہ ، نماز کے بعد تسبیح جناب فاطمہؑ اور اس کے بعد یہ دعا جس کا ابھی ذکر کیا گیا ہے۔ بہتر ہے کہ جو شخص نماز کو ادا کرے وہ تسبیح سے فارغ ہونے کے بعد اپنے زانوؤں اور کہنیوں کو کھول کر زمین سے ملا دے اور اس کے بعد سجدے میں نہایت ہی خضوع و خشوع کے ساتھ اپنی حاجتوں کو طلب کرے اور سجدے ہی میں یہ دعا پڑھے۔

اس کے بعد اپنی حاجتیں طلب کرے ۔

جناب فاطمہؑ کی دوسری نماز

شیخ طوسیؒ اور سید بن طاؤسؒ نے صفوان سے روایت کی ہے کہ محمد بن حلبی جمعہ کے دن امام صادقؑ کے خدمت میں حاضر ہوئے اور عرض کی کہ میں چاہتا ہوں کہ مجھے ایسا عمل تعلیم فرمائے جو بہترین عمل ہو آج کے دن کے لئے تو حضرت نے فرمایا کہ میں کسی شخص کو رسول اکرمؐ کی نگاہ میں جناب فاطمہؑ سے زیادہ عظیم نہیں سمجھا ہوں اور جو کچھ آپ نے انھیں تعلیم دی ہے اس سے بہتر کوئی عمل نہیں سمجھتا ہوں۔ لہٰذا جو شخص بھی جمعہ کے دن بہترین عمل کرنا چاہے اسے چاہئے کہ غسل کرے اور چار رکعت نماز دو سلام کے ساتھ ادا کرے۔ پہلی رکعت میں سورۂ حمد کے بعد پچاس مرتبہ قل ھو اللہ اور دوسری رکعت میں سورۂ حمد کے بعد پچاس مرتبہ والعادیات ، تیسری رکعت میں سورۂ الحمد کے بعد پچاس مرتبہ اذا ذلزلت الارض اور چوتھی رکعت میں سورۂ حمد کے بعد پچاس مرتبہ اذا جاء نصراللہ پڑھے جو نازل ہونے والا آخر سورۂ ہے۔ اور پھر یہ دعا پڑھے۔

مؤ لف: سید بن طاؤسؒ نے جمال الاسبوع میں ہر امام کی طرف سے کوئی نہ کوئی نماز اور دعا نقل کی ہے۔ مناسب ہے کہ اس کا اس مقام پر ذکر کر دیا جائے۔