İMAM HÜSEYNİ (Ə) ZİYARƏT ETMƏYİN QAYDALARI

Ziyarət səfərində aşağıdakı əməlləri yerinə yetirmək zəvvara tövsiyə olunur (əlbəttə, bu əməllərdən bir qismini hal-hazırkı şəraitdə yerinə yetirmək mümkün deyil, odur ki, mümkün olan qədəri ilə kifayətlənməliyik):

1. Yaxşı olar ki, zəvvar evdən xaric olmazdan (səfərə çıxmazdan) qabaq üç gün oruc tutsun. Üçüncü gün qüsl etsin və ailə üzvlərini başına yığıb desin:

2. Sonra xüzu və xüşu ilə evdən xaric olsun və bu zikrləri çox desin:

Daha sonra Məhəmmədə və Ali-Məhəmmədə (s.ə) salavat göndərsin, təmkinlə və vüqarla yola düşsün.

Bilsin ki, bu yolda qatlaşdığı hər bir zəhmət və çətinliyin böyük savabı vardır.

3. İmam Sadiq (ə) buyurub: "İmam Hüseynin (ə) ziyarətinə qəmgin, üst-başı tozlu-torpaqlı, ac-susuz halda get, çünki o həzrət bu vəziyyətdə şəhid olmuşdur. Sonra öz hacətini istə və geri qayıt, qəbrin kənarında məskən salma".

4. Yol azuqəsi olaraq özü ilə ləzzətli və şirin yeməklər götürməsin, sadə yeməklər yesin. Çünki İmam Sadiq (ə) buyurub: "Eşitmişəm ki, bir dəstə camaat İmam Hüseynin (ə) ziyarətinə gedir, (yol azuqəsi olaraq) özləri ilə qızardılmış keçilər və halva süfrələri götürürlər. Halbuki, əgər atalarının və ya dostlarının qəbrinin ziyarətinə getsəydilər, belə etməzdilər."

5. Əgər imkan olarsa, bəzən ayaqyalın və təvazökarlıqla ziyarətə getsin. Çünki İmam Sadiq (ə) buyurub: "Atdığı hər addıma min savab yazılar."

6. İmam Hüseyn (ə) zəvvarı ehtiyacı olan insanlara və yarı yolda qalanlara kömək etsin, bacardığı qədər onların çətinliklərini həll etməyə çalışsın və onları mənzil başına çatdırsın. Şeyx Kuleyni etibarlı sənədlə İmam Sadiqdən (ə) nəql edir ki, o həzrət yanındakılara belə buyurdu: "Nə üçün siz bizi alçaldır, bizə hörmətsizlik edirsiniz?" Onlardan biri dedi: "Allaha pənah aparırıq bundan ki, sizi və ya sizə aid olan bir şeyi alçaltmaq istəyək." O həzrət buyurdu: "Bəli, sən özün elə onlardan birisən." O şəxs: "Allaha pənah aparıram"- dedi. İmam Sadiq (ə) buyurdu: "Məgər sən Cuhfə yaxınlığında filankəsin səndən kömək istədiyini və: "Məni bir mil (təxminən 1,5 kilometr) öz miniyinə mindir, and olsun Allaha ki, yorulmuşam"- dediyini eşitmədinmi? Sən isə başını dik tutub onun yanından etinasızlıqla keçdin." Bu vaxt o həzrət buyurdu: "Hər kim bir mömini alçaltsa, bizi alçaltmış və bizə hörmətsizlik etmişdir."

Qeyd etməliyik ki, bu mətləb təkcə İmam Hüseynin (ə) ziyarətinə aid deyil, bütün ziyarət səfərlərində riayət olunmalıdır.

7. Zəvvar yol yoldaşları ilə gözəl rəftar etsin, dostları ilə az danışıb Allahı çox yad etsin (zikr desin). Təmiz paltarlar geyinsin, hərəmə daxil olmazdan qabaq qüsl etsin. Xüşu halında olsun, çoxlu namaz qılsın və Məhəmmədə və Ali-Məhəmmədə çoxlu salavat göndərsin. Xoşagəlməz şeylərdən özünü qorusun, haram və şübhəli şeylərdən tam şəkildə çəkinsin. Pərişan möminlərə ehsan etsin, kiminsə yol xərcinin qurtardığını gördükdə ona yardım etsin, pulunu onunla bölsün. Mübahisə və dava-dalaşdan, ümumiyyətlə Allahın qadağan etdiyi hər işdən uzaq olsun. Bütün bu tövsiyələri Məhəmməd ibn Müslim İmam Sadiqdən (ə) nəql etmişdir.

8. Hədisdə nəql olunur ki, İmam Sadiq (ə) dostlarından birinə belə buyurdu: "Mənə xəbər çatıb ki, şaban ayının 15-də Kufə ətrafından və başqa yerlərdən bir dəstə zəvvar İmam Hüseynin (ə) qəbri kənarına gəlir və növhə oxuyub göz yaşı tökürlər." Həmin şəxs ərz etdi: "Bəli, düzdür. Sizə fəda olum, mən özüm sizin dediklərinizin şahidi olmuşam." O həzrət buyurdu: "Həmd olsun Allaha ki, camaat arasında elə insanlar qərar verib ki, bizim yanımıza gəlir və bizi mədh edir, mərsiyyə oxuyurlar. Bizim düşmənlərimizi isə onlara tənə vurub hədələyən, tutduqları işi pisləyən insanlar qərar verib".

9. Fərat çayına çatdıqda qüsl etsin və ayaqyalın piyada hərəkət etsin.

Qeyd edək ki, Fəratın suyundan təbərrük aparmaq üçün çayda qüsl etməyə lüzum yoxdur. Fərat çayından çəkilmiş su borularından axan su ilə qüsl etmək həmin bərəkətə malikdir, inşaallah.

Fərat çayı Kərbəladan və Nəcəfin yaxınlığından, yəni hal-hazırda Nəcəfə bitişik olan Kufə şəhərindən keçir. Fərat çayının fəziləti barədə bizim hədis kitablarımızda, o cümlədən İbn Quləvəyhin "Kamiluz-ziyarat" kitabında saysız hədislər nəql olunmuşdur. Bu fəzilət və bərəkətlərdən bir neçəsinə nəzər salaq:

a) İmam Baqirin (ə) səhabəsi nəql edir ki, Kufə əhlindən olan bir kişi o həzrətin yanına gəldi. İmam Baqir (ə) ondan soruşdu: "Hər gün Fərat çayında qüsl edirsənmi?" O kişi: "Xeyr"- deyə cavab verdi. İmam (ə) ondan: "Bəs hər həftə qüsl edirsənmi?" – deyə soruşdu. O kişi yenə də: "Xeyr" – deyə cavab verdi.

Hər ay qüsl edirsənmi?

Xeyr.

Hər il qüsl edirsənmi?

Xeyr.

Sən həqiqətən xeyir və bərəkətdən məhrumsan."

b) Hədislərin birində İmam Sadiq (ə): "Biz o ikisini (Məryəmi və övladı İsanı (ə)) abad (rahat) və axar sulu uca bir yerdə yerləşdirdik" ayəsindəki məkanı "Nəcəf (Kufə yaxınlığına yerləşir) və Fərat çayı" təfsir etmişdir.

c) Başqa bir hədisdə İmam Sadiq (ə) buyurub: "Əgər mən Fəratın yaxınlığında olsaydım, səhər və axşam onun kənarına gedər, ondan bəhrələnərdim".

ç) Başqa bir səhih hədisdə Fərat çayı cənnətin dörd çayından biri kimi tanıtdırılıb.

10. Fərat çayına çatdıqda yüz dəfə de:

11. İmam Sadiq (ə) buyurur: "O həzrətin hərəminə çatdıqda o müqəddəs hərəmin qapısı ağzında dayan və bu sözləri de:

Sonra o pak qəbrə tərəf get. Qəbrə çatıb dayan və əlini zərihin üstünə qoyub de:

Bunları dedikdən sonra namaz qıl və bil ki, o həzrətin yanında qıldığın hər rəkətin çox böyük savabları vardır."

12. Əbu Səid Mədaini deyir: "Mən İmam Sadiqin (ə) hüzuruna getdim və ondan soruşdum: "Hüseyn ibn Əlinin (ə) qəbrinin ziyarətinə gedimmi?" O həzrət buyurdu: "Bəli, İmam Hüseynin (ə) – yaxşıların yaxşısının, pakların pakının və yaxşı əməl sahiblərinin ən yaxşısının qəbrinin ziyarətinə get. O həzrəti ziyarət etdikdən sonra onun yanında iki rəkət namaz qıl. Bu iki rəkətdə Yasin və ər-Rəhman surələrini oxu. Bunu etsən sənə böyük savab yazılar"

Daha sonra o, İmamdan (ə) Əmirəl-mömininin (ə) və Xanım Zəhranın (s.ə) tərif sözlərini ona öyrətməsini istəyəndə İmam dedi: Əlinin (ə) sözləri bunlardır:

Xanım Zəhranın (s.ə) sözləri isə bunlardır:

13. Zəvvar vacib və müstəhəb namazları o həzrətin qəbri kənarında qılsın, inşaallah ki, qəbuldur. Belə ki, o həzrətin yanında qılınan vacib namaz həccə, müsəhəb namaz isə umrəyə bərabərdir.

a) Hədislərin zahirindən əldə olunur ki, ziyarət namazlarını və başqa namazları həm qəbrin arxasında, həm də qəbrin baş tərəfində qılmaq olar. (Əlbəttə, namazı qəbrin baş tərəfində qıldıqda, bir qədər geridə dayanmaq lazımdır ki, qəbir ilə eyni xətt üzrə olmasın.)

b) Yaxşı olar ki, qəbrin baş tərəfində qılınan iki rəkət ziyarət namazının birinci rəkətində Fatihədən sonra