آٹھویں زیارت یوم اربعین ۲۰؍صفر

شیخؒ نے تہذیب و مصباح میں امام حسن عسکریؑ سے روایت کی ہے کہ مومنین کی پانچ علامتیں ہیں: روزانہ اکیاون رکعت نماز پڑھنا، ۱۷ رکعت واجب اور ۳؍رکعت نافلہ داہنے ہاتھ میں انگوٹھی پہننا۔ سجدہ میں پیشانی کو خاک پر رکھنا اور بسم اللہ الرحمٰن الرحیم کو بلند آواز سے کہنا اور روزِ اربعین امام حسینؑ کی زیارت کرنا جس کی کیفیت دو طریقہ سے نقل کی گئی ہے۔ ایک وہ زیارت ہے جو شیخؒ نے تہذیب و مصباح میں صفوان جمال سے نقل کی ہے کہ مجھ سے امام صادقؑ نے فرمایا کہ جب دن بلند ہوجائے تو اس طرح کہو۔

اس کے بعد دورکعت نماز ادا کرے اور جو چاہے دعا کرے اور اس کے بعد واپس ہو جائے ۔

روز اربعین کی دوسری زیارت

دوسری زیارت وہ ہے جو جابر سے نقل کی گئی ہے اور جس کی کیفیت عطا کے بیان کے مطابق یہ ہے کہ جابر بن عبداللہ انصاری کے ساتھ تھا۔۲۰؍ صفر کو جب غاضریہ پہنچے تو آبِ فرات سے غسل کیا، پاکیزہ لباس پہنا اور مجھ سے پوچھا کہ کیا تمہارے پاس کوئی خوشبو ہے۔ میں نے عرض کیا کہ ہاں ایک خوشبو سعد ہے۔ اسے لے کر اپنے سر و گردن پر چھڑک لیا اور پابرہنہ چلے یہاں تک کہ بالائے سر امام حسینؑ کھڑے ہو کر تین مرتبہ اللہ اکبر کہا اور بے ہوش ہو کر گر پڑے۔ جب ہوش آیا تو میں نے سنا کہ کہہ رہے ہیں

اور یہ وہی زیارت نیمۂ رجب ہے جس کا ذکر پہلے ہو چکا ہے اور اس میں صرف چند کلموں کا فرق ہے جو اختلاف عبارات کی بنا پر بھی ہو سکتا ہے جیسا کہ شیخ مفیدؒ نے احتمال دیا ہے۔ لہٰذا اگر کوئی شخص چاہے زیارت نیمۂ رجب کو پڑھ سکتا ہے۔