15. Sayyid bin Ta'us ra ne Rasool-e-Akram (S) se riwayat ki hai ke jo shakhs Maah-e-Rajab ke Juma ko din chaar raka'at namaz Zohr wa Asr ke darmiyaan padhega aur har raka'at mein Surah al-Faatehah ke baad saat martaba Ayah al-Kursi aur paanch martaba Surah al-Tawheed padhega aur aakhir mein das martaba kahega

Parwardigaar-e-Aalam us ke liye jis din namaz padhi hai us din se marne ke din tak hazaar hasanaat likhta rahega aur jo bhi aayat padhi hai us ke badle behisht mein ek sheher yaaqoot-e-surkh ka aur har harf ke badle ek qasr safed moti ka ta'meer kar dega aur us ka 'aqd hooraan-e-'ain se kar dega aur us se raazi rahega aur us ka naam 'ibaadat guzaaron mein darj kar dega aur us ka anjaam naik bakhti aur maghfirat par hoga.