Pandrahween Shab

Baa-barkat raaton mein hai. Is mein chand a'maal hain:

1. Ghusl.

2. Ziyarat Imam Husain Alaihissalam.

3. Chheh raka'at namaz Surahs al-Faatehah, Yasin, al-Mulk, and al-Tawheed. ke saath.

4. Sau raka'at namaz har raka'at mein Surah al-Faatehah ke baad das martaba Surah al-Tawheed. Sheikh Mufeed ra ne Muqni'ah mein Ameer-ul-Momineen a.s. se riwayat ki hai ke jo shakhs is amal ko baja laayega Parwardigaar us ke paas das farishton ko bhejega ke use dushmano ke shar se mahfooz rakhein aur maut ke waqt tees farishte naazil karega jo use Aatish-e-Jahannam se bacha lenge.

5. Riwayat mein hai ke Imam Sadiq a.s. se poochha gaya ke "Us shakhs ke baare mein kya farmate hain jo Shab-e-Neema-e-Ramadaan Qabr Imam Husain a.s. ke paas haazir rahe." Farmaya "Kya behtareen baat hai ke jo shakhs Shab-e-Neema-e-Ramadaan mein Hazrat ki qabr ke paas das raka'at namaz, Namaz-e-'Ishaa ke baad padhe aur yeh namaz Naafila-e-Shab ke alaawa ho aur har raka'at mein Surah al-Faatehah ke baad das martaba Surah al-Tawheed padhe aur Khuda se Aatish-e-Jahannam se panaah maange to Parwardigaar us ko panaah de dega aur dunya se us waqt na jaayega jab tak un malaa'ika ko na dekh le jo behisht ki bashaarat dene waale hain aur jahannam se bachaane waale hain."

Roz-e-Neema-e-Ramadaan

2 Hijri mein Wilaadat Ba-sa'aadat Imam Hasan Mujtaba Alaihissalam hai. Sheikh Mufeed ra ne farmaya hai ke 195 Hijri mein Imam Muhammad Taqi a.s. ki wilaadat bhi isi taarikh mein thi agarche mash'hoor riwayat us ke khilaaf hai. Lekin baharhaal baa-barkat din hai. Is mein sadaqaat aur kār-e-khair ki be-inteha fazeelat hai.