Maah-e-Rabī'-uṣ-Ṣānī, Jumādī al-Ūlā aur Jumādī aṣ-Ṣānīyah ke Baare Mein

Sayyid ra bin Ta'us ra ne in teenon maheenon ke har din ke liye du'a naql ki hai. Das 10 Rabī'-uṣ-Ṣānī Sheikh Mufeed ra ne farmaya hai ke Roz-e-Dahum Maah-e-Rabī'-uṣ-Ṣānī 232 Hijri mein Imam Hasan Askari a.s. ki Wilaadat Bā-sa'ādat hui hai aur be-had barkat ka din hai aur mustahab hai ke insaan is ne'mat-e-'azeem ke shukrāna ke liye roza rakhe.