اے معبود! مجھے عطا فرما اپنے بے حساب فضل سے

حلا ل و پاکیزہ

فراوان روزی

جو حلال و پاکیزہ

اور کافی ہو دنیا و آخرت کے لیے

وہ جاری رہے

مناسب اور خوش ذائقہ

بغیر کسی تکلیف کے

اور اس میں تیری مخلوق میں سے کسی کا احسان نہ ہو

مگر یہ کہ تیرے وسیع فضل سے فراوانی ملے

کیو ں کہ تو نے فرمایا ہے کہ اللہ کے فضل سے مانگو

پس میں تیرے فضل سے مانگتا ہوں

تیری عطا میں طلب کرتا ہوں

اور تیرے بھرے ہاتھ سے لینا چاہتا ہوں۔

اے بہترین ذات جس سے مانگا جاتا ہے

اور بہترین عطا کرنےوالے

مجھے رزق دے اور میرے عیال کو رزق دے اپنے فضل سے

کیوں کہ یقیناً تو بڑے فضل کا مالک ہے ۔

اے بہترین وہ ذات جس سے دعا کی جاتی ہے

یا سوال کیا جاتا ہے،

بہترین عطا کرنے والے،

بہترین امیدگاہ

مجھے رزق عطا فرما، میرے رزق میں وسعت عطا فرما

اور تو میرے رزق کے اسباب پیدا کردے

اس لیے کہ تو ہر شئی پر قادر ہے۔

اے فقیروں کے روزی دینے والے،

اے مشکلوں پر رحم کرنے والے،

اے مومنین کے والی

اور اے مستحکم قوّت والے،

محمدّ و آل محمدؐ پر رحمت نازل فرما۔

ہمیں رزق اور عافیت عطا فرما

اور تمام مشکلات میں ہمارے لیے کافی ہوجا۔

خدایا میں تجھ سے سوال کرتا ہوں حسنِ معیشت کا، وہ معیشت جس سے تمام حوائج کو پورا کرنے کی طاقت پیدا ہوجائے اور میں اس سے خیر دنیا و آخرت تک پہنچ جاؤں۔ نہ مجھ میں سرکشی پیدا ہونے پائے اور نہ ایسی تنگی ہو جس سے کہ شقاوت پیدا ہو۔ مجھے رزقِ حلال کی وسعت عطا فرما اور اپنے فضل و کرم کو میرے شاملِ حال کردے، نعمتِ کاملہ عطا فرما اور وہ عطیہ جس کا سلسلہ ختم نہ ہونے پائے اس کے بعد ایسا نہ ہو کہ اتنی نعمت مل جائے کہ مجھے شکریہ سے غافل کردے۔ میں فتنہ میں مبتلا نہ ہونے پاؤں’’اور ایسی تنگی بھی نہ ہو کہ میں زحمتوں میں پڑ کے عمل کی کوتاہی کا شکار ہوجاؤں اور ہر وقت مجھے روزی ہی کی فکر لگی ہے‘‘۔ خدایا مجھے بدترین مخلوقات سے بے نیاز بنا دے اور اتنا سامان عطا فرما دے کہ میں تیری رضا تک پہنچ سکوں۔ خدایا میں دنیا و آخرت کے شر سے پناہ چاہتا ہوں۔ دنیا کو میرے لیے قیدخانہ نہ بنادینا اور نہ اس کے فراق کو میرے لیے باعثِ حزن قرار دینا۔ مجھے اس کے فتنے سے یوں نکالنا کہ تو مجھ سے راضی رہے، میرا عمل قابلِ قبول ہو اور میں وہاں پہنچ جاؤں جو زندگی کا گھر اور نیک بندوں کا مسکن ہے۔ مجھے اس فانی دنیا کے مقابلے میں آخرت کی باقی نعمتیں عنایت فرما۔ مجھے دنیا کی زحمتوں سے، زلزلوں سے شیطانوں کے غلبے سے، سلاطین کے حملوں سے اور ان کی سزا سے اور ظالموں کے ظلم سے محفوظ رکھنا۔ خدایا جو میرے لیے جو میرے لیے مکر کرے اُسے اسی کی طرف پلٹا دینا جو برائی چاہے تو اس کے لیے برائی قرار دینا جو میرے لیے اپنی تلوار کو تیز کرے اس کی دھار کو کند بنا دینا، جو میرے لیے آگ بھڑکائے اس کو خاموش کر دینا۔ مجھے ہر مکّار کے مکر سے نجات عطا فرما اور میرے طرف دیکھنے والے کافروں کی آنکھوں کو اندھا بنا دے، جو مجھے رنجیدہ کرنا چاہے ان کے رنج سے مجھے بچالے۔ حاسدوں کے شر سے محفوظ فرما مجھے سکون عطا فرما، مجھے اپنی حفاظت کی زرہ عطا فرما۔ مجھے اپنی پناہ میں زندہ رکھنا۔ میرے حالات کی اصلاح فرما دے، میرے قول و فعل میں صداقت عطا فرما اور مجھے اہل و مال میں برکت عنایت فرما۔