Fazeelat Tasbeehaat-e-Arba'h

10. Tasbeehaat-e-Arba'h padhe jaisa ke Shaikh Toosi (R.A.), Ibn Baabawiyah (R.A.) wa Himyari (R.A.) ne saheeh asnaad ke zariye Imam Ja'far Sadiq (A.S.) se riwaayat ki hai ke ek din Rasool-e-Akram (S.A.W.) ne apne As-haab se farmaya ke tumhare paas jitne kapde ya bartan hain agar unhein ek doosre par rakh kar jama' kiya jaaye to kya yeh aasmaan tak pahunch jaayenge? Sab ne arz ki Nahi! Farmaya ke kya tum chahte ho ke tumhein aisi cheez ki ta'leem doon jiski jarrein zameen mein hon aur shaakhein aasmaan mein hon. Sab ne kaha Ya Rasoolullah (S.A.W.)! farmayiye. Aap (S.A.W.) ne farmaya ke har Namaaz ke ba'd tees baar kaho:

Ke iski asl zameen mein hai aur shaakhein aasmaan mein hain.

Yeh insaan ko naagahaani masa'ib, ghar ke gir jaane, paani mein gharq ho jaane, aag mein jalna, kuwein mein girna, darindon ko phaad khaana, buri maut aur us din aasmaan se naazil hone waali har balaa ko tumse door rakhega.

Aur isi ka naam Baaqiyaatus Saalihaat hai.

Jaisa ke Khudaawand-e-Aalam ne Quraan-e-Majeed mein farmaya hai.

Aur saheeh sanad ke saath Imam Ja'far Sadiq (A.S.) se manqool hai ke in Tasbeehaat ko har waajib Namaaz ke ba'd apni jagah se uthne se pehle chaalees martaba padh kar Khudaawand-e-Aalam se jo bhi du'a karega woh poori hogi.

Sanad saheeh ke saath Imam Ja'far Sadiq (A.S.) se manqool hai ke jo shakhs waajib Namaaz ke ba'd tees baar:

Kahega uske tamaam gunaah jhad jaayenge.

Aur doosri hadees mein aap hi (A.S.) se manqool hai ke Khudaawand-e-Aalam ne Quraan-e-Majeed mein jis Zikr-e-Kaseer ki ta'reef ki hai woh yeh hai ke har waajib Namaaz ke ba'd tees baar Subhaanallah kahe.

Aur Qutb Raawandi (R.A.) ne riwaayat ki hai ke jab Hazrat Ameer-ul-Mo'mineen (A.S.) ne Baraa' bin A'azib se farmaya: Kya tum chahte ho ke tumhein us cheez se ba-khabar kar doon ke agar tum usko bajaa laao to yaqeenan Khuda ke haqeeqi dost ban sakte ho. Arz ki Beshak! To Aap (A.S.) ne farmaya ke Namaaz ke ba'd Tasbeehaat-e-Arba'h mein se har ek ko das baar padho, agar tum aisa karoge to duniya mein tumse hazaar balaaen door hongi jin mein se ek balaa murtad ho jaana bhi hai aur tumhare liye aakhirat mein hazaar darjaat mehfooz ho jaayenge jin mein se ek darja yeh ke tum Hazrat Rasool-e-Akram (S.A.W.) ke jwaar mein raho.

11. Shaikh Kulaini (R.A.) ne sanad hasan ke saath Hazrat Imam Ja'far Sadiq (A.S.) se riwaayat ki hai ke jo shakhs bhi waajib Namaaz ke ba'd teen baar kahega to jo haajat talab karega woh poori hogi.