Mo'tabar sanad ke saath Hazrat Imam Ja'far Sadiq 'alayhissalaam se manqool hai ke agar koi mo'min mar jaaye aur us ke janaazah par chaalees mo'min jama' ho kar kaheñ:
Ay Ma'bood! Hum iske mutalliq siwaaye neki ke kuch nahin jaante
وَ اَنْتَ اَعْلَمُ بِهٖ مِنَّا۔
Aur tu ise hum se ziyadah jaanta hai.
Ya'ni Parwardigaar! Ham is ke baare meiñ neki ke 'ilaawah kuch nahiñ jaante hain aur tu is ke baare meiñ ham se ziyaadah waaqif hai to jaise hi woh yeh kehte hain Khuda-e-'Alam farmaata hai ke maiñ ne tumhaari gawaahi qabool kar li aur is ke un gunaahoñ ko bhi bakhsh diya jinheiñ maiñ jaanta hooñ aur tum nahiñ jaante ho aur doosri mo'tabar hadees meiñ Hazrat Rasool-e-Akram sallallahu 'alayhi wa aalihi wa sallam se manqool hai ke mo'min ke intiqaaq ke ba'd sab se pehle us ke naamah-e-'amal meiñ woh cheez likhi jaati hai jo log us ke baare meiñ kehte hain to neki likhi jaati hai aur agar bra kehte hain to buraa'i likhi jaati hai.
