سونے کے آداب اور دعائیں

جب سونا چاہے تو بہتر ہے کہ موت کے لئے تیار ہو جائے اور باطہارت ہو کر گناہوں سے توبہ کر کے اہنے دل کو دنیا کے ہم و غم سے بالکل خالی کرکے اور موت کے وقت اور قبر کی تنہائی اور بیکسی تصور کرکے روئے اور اپنی وصیت کو لکھ کر تکیہ کے نیچے رکھ لے اور یہ ارادہ رکھے کہ نمازِ شب کے لئے بیدار ہو گا کیوں کہ نمازِشب مومن کے لئے باعثِ زینت ہے۔ اور سونے سے پہلے سورۂ قل ھو اللہ اور سورۂ الہٰکم التکاثر اور آیۃ الکرسی پڑھے۔ پھر تین بار یہ دعا پڑھے۔

پھر تسبیح حضرت زہراؐ پڑھے اور جس طرح میت قبر میں رکھی جاتی ہے اسی طرح دائیں کروٹ لیٹے لیکن حالتِ احتضار میں میت کے لیٹنے کے طریقہ کے بارے میں ہمارے شیخ ثقۃ الاسلام نوریؒ نے دارالسلام میں تحریر کیا ہے کہ میں نے یہ طریقہ کسی روایت اور کتاب میں نہیں دیکھا ہے۔ صرف غزالی نے اس کا تذکرہ کیا ہے۔ اور اس میں شک نہیں ہے کہ صحیح طریقہ اس کے برخلاف ہے۔

اگر کبھی نمازِ شب یا کسی دوسرے کام کے لئے بیدار ہونا چاہیئے اور نیند کے غلبہ کی بنا پر بیدار نہ ہونے کا خوف ہو تو سورۂ کہف کی یہ آخری آیت پڑھے۔

امام صادقؑ سے روایت ہے کہ جو شخص بھی اس کو سونے سے پہلے پڑھے گا جس وقت چاہے گا نیند سے بیدار ہو جائے گا۔