فضیلت زیارت رسولؐ اکرم

مؤلّف: روایات میں یہ بات وارد ہوئی ہے کہ جہاں سے بھی رسول اکرمؐ کو سلام کیا جائے وہ سلام آپ تک پہنچ جاتا ہے بلکہ ایک روایت میں ہے کہ پروردگارِ عالم نے ایک ملک کو معین کر دیا ہے کہ جب کوئی مومن

کہے تو ملک فوراً کہے ‘‘و علیک ’’یعنی یہی رحمت تمہارے واسطے بھی ہے اور اس کے بعد پیغمبرؐ تک یہ خبر پہنچائے کہ فلاں شخص نے آپ کو سلام کہا ہے تو حضرت فرماتے ہیں کہ ‘‘وعلیه السلام’’۔ اور معتبر روایات میں ہے کہ آنحضرتؐ نے فرمایا کہ جو شخص میرے مرنے کے بعد میری قبر کی زیارت کرے وہ ایسا ہی ہے جیسے زندگی میں میرے پاس آیا ہو لہٰذا اگر یہاں تک آنے کی استطاعت نہیں ہے تو جہاں بھی رہو مجھے سلام کرو۔ سلام مجھ تک پہنچ جائے گا___اس مضمون کی بے شمار روایتیں ہیں اور جزء اول میں اعمال ایام ہفتہ میں زیارت معصومینؑ اور زیارت رسول خداؐ روز شنبہ نقل کی جا چکی ہے اگرچا ہیں تو اسے بھی دیکھ سکتے ہیں اور اس کے فیض کو بھی حاصل کر سکتے ہیں۔ مناسب ہے کہ آنحضرؐت پر اس طرح صلوات بھیجی جائے جس طرح امیر المومنینؑ نے خطبہ جمعہ میں اشارہ فرمایا ہے جس کا ذکر روضۂ کافی میں ہے۔

اس کے بعد زیارات کے آخر میں ایک صلوات کا ذکر اور ہو گا اس سے بھی استفادہ کیا جا سکتا ہے۔