Waazih rahe ke Ziyarat-e-Quboor-e-Momineen mein be-panaah sawaab hai aur alaawa in fawaa'id ke jo us par murattab hote hain baa'is-e-'ibrat wa āgāhī aur baa'is-e-zuhd wa raghbat-e-ākhirat bhi hai. Jab insaan ko zyada gham ya khushi ho to use qabristaan ki taraf jaana chahiye ke 'āqil wahi hai jo qabristān se 'ibrat haasil kare taa ke us ke dil se dunya ki lazzat nikal jaaye aur dunya aur saamaan-e-dunya ka shehed use talkh nazar aaye aur woh fikr kare us dunya ki fanā aur us ke haalaat ke taghayyur mein. Aur yaad kare ke 'anqareeb woh bhi unheen murdon mein shaamil hone waala hai aur us ke haath bhi a'maal se kōtāh hone waale hain aur woh bhi doosron ke liye baa'is-e-'ibrat banne waala hai.
Sheikh Nizami ne yeh behtareen ash'aar kahe hain
“Ek zindah dil afsurdagaan ki saff mein | Murdon ki hamsaa'igi mein pahunch gaya.
To us ne jauhar lauh-e-turbat par harf-e-fanaa padha | Aur sir-e-rooh-e-paak mein rooh-e-baqaa talaash ki
Ek tehqeeq karne waale ne us se tafteesh-e-haal | Ke liye sar-e-raah-e yeh sawaal kiya ke aakhir in zindon se is qadar doori kyun hai | Aur murdon ki taraf jaane ki yeh kashish kyun hai | To us ne kaha ke is dunya mein najis wa paak log rehte hain | Aur yeh khaak paak baaz log rehte hain | Roo-e-zameen par murdah dil log rehte hain | To main un murdah logon ke saath ham-nisheeni kaise ikhtiyaar karoon | Murdah dil logon ki ham-nisheeni se murdah dilli hoti hai | Aur afsurdah logon ke saath afsurdagi paida karta hai | Woh log jo zer-e-khaak par-aagandah ho gaye hain | Woh jism ke murdah hain lekin dil ke zindah hain
Magar ab bhi main in par nigaah karne ke liye zindah ho gaya hoon Aur in ki khaak mere liye aab-e-hayaat ban gayi Riwayat mein hai ke Parwardigaar-e-Aalam ne Janaab Isa a.s. ki taraf wahy ki ke
Ba-ḥamd-ullāh is kitaab shareef mein jo kuch likhne ka iraada tha woh sab tamam ho gaya aur Roz-e-Yekshanbah 10 Dhū al-Qa'dah 1344 Hijri ki shaam ko jab Wilaadat Bā-sa'ādat Hazrat Sāmin-ul-A'imma Imam Raza a.s. hai aur chunke aaj hi ittifāq se meri waalida ke inteqaal ka khaṭṭ pahuncha hai lehaza barādarān-e-eemaani se jo is kitaab se faayda uṭhāyein iltemās du'ā-e-ziyarat hai us marḥūma ke liye aur apne liye aur apne waalid marḥūm ke liye. Apni zindagi mein bhi aur marne ke baad bhi. Sārī Ḥamd Allāh ke liye hai awwal bhi aakhir bhi aur Salawāt Ḥażrāt Muḥammad (S) aur un ki Āl-e-Ṭāhirīn par hai.
“Khudā-e-Meherbāni wa Bakhshindah ke naam se shuru karta hoon. Ḥamd hai Allāh ke liye aur salām hai us ke un bandon par jin ko us ne muntakhab banaaya hai.”
Roosiāh 'Abbāsī Qummi Allāh use mu'āf kare 'arz parwāz hai ke Khudā-e-Ta'ālā ki imdād se Kitāb Mafātīḥ-ul-Jinān ki ta'līf mukammal ho chuki aur kitaab mukhtalif atrāf mein muntashir ho chuki.
