حرم امیر المومنین ع اور مسجد حنانہ میں زیارت امام حسین ع

واضح رہے کہ سر امام حسینؑ کی زیارت بھی قبر امیرالمومنینؑ کے نزدیک مستحب ہے اور وسائل و مستدرک میں ایک باب وارد ہوا ہے اور مستدرک میں مرزا محمد بن المشہدی سے نقل کیا گیا ہےکہ حضرت امام صادقؑ نے سر امام حسینؑ کی زیارت پڑھی۔ اس کے بعد امیرالمومنینؑ کے سرہانے چار رکعت نماز ادا کرے۔ وہ زیارت یہ ہے۔

مؤلّف: اگر اسی زیارت کو مسجد حنّانہ میں پڑھے تو بھی مناسب ہے۔ اس لئے کہ شیخ محمد بن المشہدیؒ نے روایت کی ہے کہ امام صادقؑ نے مسجد حنّانہ میں بھی امام حسین ؑ کی زیارت اسی طرح کی ہے اور پھر چار رکعت نماز پڑھے۔ واضح رہے کہ مسجد حنّانہ نجف اشرف کی فضیلت والی مسجدوں میں سے ایک ہے اور ایک روایت میں ہے کہ امام حسینؑ کا سرِ مبارک وہیں رکھا گیا تھا اور حدیث میں ہے کہ امام صادقؑ نے وہاں دو رکعت نماز پڑھی تو لوگوں نے پوچھا کہ یہ کون سی نماز ہے؟ فرمایاکہ یہ میرے جد امام حسینؑ کے سر کی جگہ ہے۔ یہاں اسے رکھا گیا تھا۔ ظالم اسے کربلا سے لائے تھے اور اس کو عبداللہ بن زیاد کے پاس لے گئے تھے اور روایت میں ہے کہ آنحضرت نے فرمایا کہ اس جگہ یہ دعا پڑھے۔