تیسری زیارت مطلقہ

سید عبدالکریم بن طاؤسؒ نے صفوان جمالؒ سے روایت کی ہے کہ ہم امام صادقؑ کے ہمراہ کوفہ میں وارد ہوئے جب امام ابو جعفر منصور دوانیقی کے پاس جا رہے تھے تو آپ نے فرمایا کہ اے صفوان او نٹ کو بٹھاؤ کہ یہ میرے جد امیرالمومنینؑ کی قبر کے نزدیک کا علاقہ ہے۔ یہ کہہ کر آپ اترے اور آپ نے غسل کیا اور لباس تبدیل کیا ار جو تیاں اتاردیں اور فرمایا کہ تم بھی ایسا کرو۔ پھر نجف کی طرف روانہ ہوئے اور فرمایا کہ آہستہ قدم بڑھاؤ اور سر کو جھکا لو کہ خداوند عالم تمہارے لئے ہر قدم پر ایک لاکھ نیکیاں لکھے گا اور ایک لاکھ گناہ محو کرے گا اور ایک لاکھ درجات بلند کرے گا اور ایک لاکھ حاجتوں کو پورا کرے گا اور تمہارےلئے صدیق و شہید کا ثواب لکھے گا۔ چنانچہ میں حضرت کے ہمراہ اطمینان و سکون کے ساتھ تسبیح و تہلیل کرتے ہوئے جا رہا تھا یہاں تک کہ آپ ایک بلندی پر پہنچے اور دائیں بائیں جانب نگاہ ڈال کرلکڑی سے ایک لکیر کھینچی اور فرمایا کہ تلاش کرو، میں نے تلاش کیا تو ایک قبر کا نشان نظر آیا۔ آپ کی آنکھوں سے آنسو جاری ہو کر چہرہ پر آگئے اور فرمایا۔

پھر اپنے کو قبر سے مس کر کے فرمایا۔

پھر امامؑ اٹھے اور امیرالمومنینؑ کے بالائے سر چند رکعت نماز ادا کی اور فرمایا کہ اے صفوان جو شخص امیرالمومنینؑ کی زیارت پڑھے گا اور یہ نماز ادا کرے گا وہ عمل مقبول و پسندیدۂ خدا ہو گا اور اس کے لئے وہ ثواب ہو گا جو ملائکہ کو ان کی زیارت کا ثواب ملتا ہے۔ صفوان نے تعجب سے پوچھا، ایسا ثواب ہے؟۔ فرمایا ہاں، ہر شب میں ملائکہ کے ستّر قبیلے امامؑ کی زیارت کرتے ہیں۔ پوچھا کہ ہر قبیلہ میں کتنے فرشتے ہوتے ہیں؟ فرمایا کہ ایک لاکھ فرشتے۔ پھر امام اُلٹے پیر واپس ہوئے اور واپس ہو تے ہوئے زبان سے کہہ رہے تھے۔

صفوان کا بیان ہے کہ میں نے امام سے عرض کیا کہ اگر آپ اجازت دیں تو میں اہلِ کوفہ کو خبر دوں اور اس قبر کا نشان بتا دوں تو آپ نے فرمایا کہ ہاں بتا دو اور چند درہم بھی دیئے کہ قبر کی مرمت کرا دو۔’’