Paighambar (S) aur Ameer-ul-Momineen a.s. ka Ittihaad

Mu'allif: Agar koi shakhs yeh kahe Roz-e-Wilaadat-e-Paighambar-e-Islam (S) aur Roz-e-Wafaat-e-Paighambar-e-Islam (S) Ziyarat-e-Ameer-ul-Momineen a.s. kyun waarid hui hai aur Ziyarat-e-Rasool-e-Khuda (S) ki riwayat kyun nahin aayi hai jab ke munaasib yahi tha ke us din un auqaat mein Ziyarat-e-Rasool-e-Akram (S) padhi jaaye to us ka jawaab yeh hai ke yeh un donon buzurgwaar ke mukammal ittisaal aur donon ke noor ke mukammal ittihaad ki alaamat hai ke jis ne Ziyarat-e-Ameer-ul-Momineen a.s. ki us ne goya Rasool-e-Khuda Sallallahu Alaihi Wa Aalihi ki ziyaarat ki aur us ki gawaahi Quran Majeed ki aayat mein lafz “Anfusanaa” ne di hai ke jab Aayah Mubaahila mein Rasool-e-Akram (S) ne Hazrat Ali a.s. ko apna nafs banaaya hai aur un ke alaawa koi aisa nahin tha. Aur mukhtalif riwaayaat mein ek riwayat Sheikh Muhammad bin Mashhadi ki hai ke Imam Sadiq a.s. ne farmaya hai ke ek A'raabi, Rasool-e-Khuda (S) ki khidmat mein haazir hua aur arz ki ke Ya Rasoolullah mera ghar Aap ke ghar se door hai aur main Aap ki ziyaarat ka mushtaaq hota hoon aur Aap ki ziyaarat ke liye aata hoon lekin Aap se mulaqaat karta hoon. Woh mujhe hadees, mau'iza aur naseehat se aarasta karte hain aur main Aap ka deedaar na hone ki hasrat le kar waapas chala jaata hoon to Aap ne farmaya ke "Jo shakhs Ali a.s. ki ziyaarat kare us ne meri ziyaarat ki aur jo Ali a.s. ko dost rakhta hai woh mujhe dost rakhta hai aur jo un ko dushman rakhta hai woh mera dushman hai. Is baat ko meri taraf se apni qaum waalon tak pahuncha dena aur jo shakhs un ki ziyaarat ke liye jaaye woh meri ziyaarat ke liye aaya aur main us ko Roz-e-Qiyaamat jazaa doonga aur Jibreel aur Saaleh-ul-Momineen a.s. bhi." Aur mo'tabar hadees mein Imam Sadiq a.s. se marwi hai ke jab ziyaarat kare Najaf ki aur ziyaarat kare jasad-e-Adam a.s. wa badan Nooh a.s. aur jism Ali bin Abi Taalib a.s. ki to goya ziyaarat karne waala ho gaya guzhishta aabaa-e-kiraam aur Hazrat Muhammad Khaatam-ul-Ambiyaa aur Ali a.s. Khair-ul-Awsiyya ka aur chhatti ziyaarat mein guzar chuka hai ke qabr Ameer-ul-Momineen a.s. ka rukh kar ke kahe

Aur Janaab Sheikh Jaabir ra ne Qaseeda-e-Azriyyah ki tazmeen mein Qubba Ameer-ul-Momineen a.s. ki taraf ishaara karte hue behtareen ash'aar kahe hain: