دکۃ القضٓاء اور بیت الطشت کے اعمال

واضح رہے کہ دکۃ القضاء مسجد میں وہ جگہ ہے جہاں بیٹھ کر امیرالمومنینؑ کے فیصلے فرمایا کرتے تھے۔ اس جگہ پر ایک چھوٹا سا ستون تھا جس پر لکھا ہوا تھا

اور بیت الطشت وہ جگہ ہے جہاں امیرالمومنینؑ نے اس لڑکی کے بارے میں فیصلہ کیا تھا جو بغیر شوہر کے تھی اور ایک دن نہا رہی تھی کہ ایک جونک اس کے بدن میں داخل ہو گئی اور دھیرے دھیرے خون چوس کر بڑی ہو تی گئی اور لڑکی بھی بڑی ہوتی گئی یہاں تک لوگوں نے خیال کیا کہ یہ حاملہ ہے اور چاہا کہ بدکردار قرار دے کر اسے قتل کردیں لیکن جب امیرالمومنینؑ کے پاس لائے تو آپ نے حکم دیا کہ مسجد میں ایک طرف پردہ کھینچ دیا جائے اور اس لڑکی کو بیٹھا دیا جائے ۔ کوفہ کی قابل دائی کو بلایا گیا کہ وہ تحقیق کرے۔ قابلہ نے تحقیق کے بعد کہا کہ یہ لڑکی حاملہ ہےاور اس کے شکم میں بچہ ہے۔ حضرت نے حکم دیا کہ گندے پانی سے ایک طشت بھرا جائے اور لڑکی کو اس میں بٹھا دیا جائے۔ جیسے ہی جونک نے گندے پانی کی بو محسوس کی فوراً بچی کے شکم سے باہر آگئی۔ اور بعض روایت میں ہے کہ حضرت نے ہاتھ بڑھا کر شام کے پہاڑ سے برف کا ایک ٹکڑا اٹھایا اور اس طشت کے پاس رکھ دیا تا کہ وہ جانور اس بچی کے شکم سےباہر آجائے۔

اعمال مسجد بزرگ کوفہ

نیز واضح رہے کہ مسجد کے اعمال کی ترکیب میں مشہور یہی ہے کہ ستون چہارم کے اعمال کے بعد وسط مسجد میں جائیں اور وہاں کے اعمال بجا لائیں اور دکۃ القضاء اور بیت الطشت کے اعمال میں سب کے بعد دکۂ امامِ صادقؑ سے فارغ ہونے کے بعد بجا لائیں لیکن ہم نے ترتیب سے نقل کیا ہے جیسے سید بن طاؤسؒ نے مصباح الزائر میں علامہ مجلسیؒ نے بحار میں اور شیخ خضرؒ نے مزار میں نقل کیا ہے۔ اگر کوئی شخص ترتیب مشہور پر عمل کرنا چاہے توا عمال دکۃ القضاء اور بیت الطشت کو ستون چہارم کے بعد بجا لائے۔ اور آخر میں مقام امام صادقؑ کے بعد بجا لائے۔ بہرحال اس کے بعد دکۃ القضاء کی طرف جا کر دو رکعت نماز ادا کرے الحمد اور جس سورہ کے ساتھ چاہے۔ نماز کے بعد تسبیح جناب زہراؑ پڑھے اور کہے۔

اعمال بیت الطشت :۔کو دکۃ القضاء سے متصل ہے۔ وہاں دو رکعت نماز ادا کرے۔ سلام کے بعد یں کہے۔

روایت میں بھی ہے امام صادقؑ بیت الطشت میں دورکعت نماز ادا کرتے تھے۔