Roz-e-Awwal Rajab

Intehaai baa-sharaf din hai aur is mein chand a'maal hain:

1. Roza rakhna. Riwayat mein hai ke Janaab Nooh a.s. isi taarikh mein kashti mein sawaar hue the aur Aap ne apne saathiyon se farmaya tha ke roza rakho ke jo shakhs bhi is roza rakhega Parwardigaar-e-Aalam Jahannam ko us se ek saal ke faasla tak door kar dega.

2. Ghusl karna.

3. Ziyarat Imam Husain a.s. padhna ke Sheikh ne Basheer Dahhaan se riwayat ki hai ke Imam Ja'far Sadiq Alaihissalam ne farmaya ke jo shakhs Ziyarat Imam Husain a.s. Maah-e-Rajab ke pehle din padhe to Khuda us ko zaroor bakhsh dega.

4. Woh toolani du'a padhe jo Sayyid ra ne Iqbāl mein naql ki hai.