Khwaas-e-Surah Zalzaal

Shaykh Kulaini rahmatullahi 'alayhi ne Imam Ja'far Sadiq 'alayhissalaam se riwaayat ki hai ke aap ne farmaaya "Idhaa Zulzilatil Ardhu Zilzaalahaa" ki tilaawat se khasta haal na ho ke jo shakhs bhi naafilah meiñ yeh surah padhe ga Khuda-e-'Alam use zalzale se mehfooz rakhe ga aur use zalzalah, bijli ya dunya ki kisi aafat se maut na aayegi. Aur waqt-e-maut Khuda-e-'Alam ki taraf se us par ek kareem farishta naazil ho ga aur us ke sarhaane baiṭh kar kahe ga Aye Malak-ul-Maut is wali-e-Khuda ke saath narmi aur mudaaraat se pesh aana kyuñ ke is ne mujhe bahut yaad kiya hai.

Aur doosri riwaayat meiñ hai ke us ki aankhoñ se parday haṭa diye jaa'eñ ge aur woh Jannat meiñ apni jagah dekh le ga aur nihaayat hi aasaan tareeqe se us ki rooh qabz ho gi aur us ki rooh ko sattar hazaar farishtay Jannat ki taraf le jaa'eñ ge.