Apne mudda'a ko khwaab meiñ dekhne ka dastoor-ul-amal

Mu'allif-e-kitaab Shaykh Abbas Qummi rahmatullahi 'alayhi farmaate hain ke ba'z logoñ ne kaha hai ke Surah ad-Dhuhaa (Surah Number 93) aur Alam Nashrah (Surah Number 95) bhi padhe. Aur Jawaahir-ul-Manshoor meiñ hai ke jo shakhs khwaab meiñ apna maqsood dekhna chaahe woh sote waqt in meiñ se har ek surah ko saat martaba padhe:

Surah ash-Shams, wa-Layl, wat-Teen (Surah Number 95), Ikhlaas (Qul Huwa Allah), Qul A'oodhu bi-Rabbil Falaq, Qul A'oodhu bi-Rabbin Naas

Aur ba-ṭahaarat ho kar paak jagah par paak libaas ke saath qibla rukh ho kar qabr ke murde ki tarah daahne karwat laiṭ kar soye aur apne maqsood ki niyyat kare. Agar us ne pehli raat meiñ na dekha to saat raatoñ se ziyaadah bahr-haal na guzre gi. Aur kaha gaya hai ke yeh baat khud tajribah shudah hai.