Istikhara ke Auqaat

Waazih rahe hum chhatte baab mein baaz istikhare aur naql karenge.

Aur yeh bhi yaad rahe ke Muhaddith Kashani ne Taqdeem-ul-Muhsineen mein haftah mein har din Quran Majeed se istikhara karne ke kuchh auqaat naql kiye hain.

Aur kaha hai ke yeh baat shohrat ki bina par likhi hai agarche us ke liye koi hadees nahin mili hai.

Lekin roz-e-Yekshanbah Zohr tak aur Asr se le kar Maghrib tak naik hai.

Aur Do Shanbah tuloo-e-aaftab tak aur nahaar ke baad Zohr tak aur Asr se Ishaa tak naik hai.

Aur roz-e-Seh Shanbah nahaar se le kar Zohr tak aur Asr ke baad se Ishaa tak naik hai.

Buddh ke din Zohr tak aur Asr se le kar Ishaa tak naik hai aur Panjshanbah tuloo-e-aaftab tak aur phir Zohr se Ishaa tak naik hai.

Aur roz-e-Juma tuloo-e-aaftab tak aur zawaal ke baad se Asr tak naik hai.

Shanbah nahaar ke waqt tak aur zawaal ke baad se Asr tak naik hai aur in auqaat ko Muhaqqiq Tusi ra ke manzoom se naql kiya gaya hai.