ہر مہینہ کی پہلی تاریخ کے اعمال

۱رویت ہلال کے وقت دعا پڑھنا۔ جس میں بہترین دعا صحیفۂ کاملہ کی تینتالیسویں دعا ہے جو اوّلِ ماہِ رمضان میں ذکر ہوئی ہے۔

۲دردِ چشم کے دور کرنے کے لئے سات مرتبہ سورۂ حمدکا پڑھنا۔

۳تھوڑ ا سا پنیر کھانا کہ روایت میں ہے کہ جو شخص ہر ماہ کے شروع میں اپنے کو پنیر کھانے کا پابند بنا لےاس کی حاجت اس ماہ میں امید ہے کہ رد نہ ہو گی۔

۴شبِ اول میں دو رکعت نماز پڑھے۔ ہر رکعت میں حمد کے بعد سورہ انعام پڑھے اور خدا سے سوال کرے کہ وہ اسے ہر خوف اور درد سے محفوظ رکھے اور اس ماہ میں کوئی ناپسندیدہ امر نہ ہونے دے۔

۵روزِ اول دو رکعت نماز پڑھے پہلی رکعت میں حمد اور تیس مرتبہ قل ھواللہ اور دوسری رکعت میں حمدکے بعد تیس مرتبہ انا انزلناہ پڑھے اور نماز کے بعد صدقہ دے۔ ایسا کرے گا تو اس ماہ میں اپنی سلامتی کو خدا سے خرید لے گا اور بعض روایت میں ہے کہ نماز کے بعد یہ دعا پڑھے۔