Maah-e-Ramadaan ki Raaton mein Hazaar Raka'at Namaz Padhne ki Tarkeeb

Waazih rahe ke jo a'maal Maah-e-Ramadaan ki raaton mein mustahab hain un mein se hazaar raka'at namaz bhi hai poore maheenah mein, jis ko azeem 'ulamaa aur mashaa'ikh ne apni fiqh ya 'ibaadaat ki kitaabon mein darj kiya hai. Us ke baja laane ki tarkeeb ke baare mein riwaayaat mein ikhtilaaf hai lekin Imam Muhammad Taqi Alaihissalam se Ibn-e-Abī Qurrah ki riwayat aur Kitaab Ghariyyah mein Sheikh Mufeed ra ki raaye hai bal ke mash'hoor 'ulamaa ki raaye yahi hai ke ibtedaa'i das 10 raaton mein aur us ke baad ki das raaton mein har raat bees raka'at namaz padhe har do raka'at par ek salaam. Is tarah ke aath raka'at namaz-e-Maghrib ke baad aur baarah raka'at Namaz-e-'Ishaa ke baad. Phir aakhiri das raaton mein har shab mein tees raka'at namaz padhe. Aath raka'at Namaz-e-Maghrib ke baad aur ba'ees raka'at Namaz-e-'Ishaa ke baad. Yeh sab milaa ke saat sau 700 raka'at ho jaayengi aur teen sau raka'at teenon shab-haa-e-Qadr ya'ni unneeswein 19, ekkeeswein 21, te'eeswein 23 raat mein padhe ke sab milaa kar hazaar raka'at ho jaayengi. Yeh namazein doosri tarkeeb ke saath bhi waarid hui hain lekin is maqaam par us tafseel aur behas ki gunjaa'ish nahin hai. Umeed hai ke ahl-e-khair is tarah ki 'ibaadaton mein ghaflat se kaam na lenge aur apne ko us ke fazaa'il se mahroom na rakhenge.

Riwayat mein hai ke jo shakhs Maah-e-Ramadaan ke nawāfil mein har do raka'at ke baad yeh du'a padhe.