عصر روز جمعہ کے اعمال

۲۷روایت میں ہے کہ جمعہ کے دن صلوات کا بہترین وقت نماز عصر کے بعد ہے جب سو مرتبہ اس طرح کہنا چاہئے ۔

شیخؒ نے فرمایا ہے کہ مستحب ہے کہ سو مرتبہ یہ صلوات پڑھے

شیخ جلیل ابن ادریس نے کتاب سرائر میں جامع بزنطی سے نقل کیا ہے کہ ابو بصیر کا بیان ہے کہ میں نے امام جعفر صادقؑ کو یہ فرماتے سنا ہے کہ ظہر و عصر کے درمیان ستّر ۷۰ رکعت نماز کے برابر ہےاور اگر کوئی شخص عصر روز جمعہ کے بعد کہے۔

تو اس شخص کو اس دن کے جنات و انسان کے تمام اعمال کے برابر ثواب عطا کیا جائے گا۔مؤلف کا بیان ہے کہ حدیث کے بزرگوں کی کتابوں میں انتہائی معتبر اسناد کے ساتھ اور بیشمار فضیلتوں کے ساتھ وارد ہوئی ہے اور اگر اسے دس مرتبہ یا سات مرتبہ پڑھے تو بہتر ہےــــــ اس لئے کہ امام صادقؑ سے روایت ہے کہ جو شخص بھی روز جمعہ عصر کےبعد اپنی جگہ سے اٹھنے سے پہلے دس مرتبہ اس صلوات کو پڑھے اس پر جمعہ سے جمعہ تک اسی ساعت میں فرشتے صلوات پڑھتے رہیں گے۔نیز انھیں حضرت سے روایت ہے کہ جمعہ کے دن نماز عصر کےبعد اس صلوات کو پڑھو۔

شیخ کلینیؒ نے کافی میں روایت کی ہے کہ ہر جمعہ کے دن نماز ادا کرنے کے بعد اس طرح صلوات پڑھو۔

جو شخص بھی جمعہ کے دن نماز عصرکے بعد اس صلوات کو پڑھے گا،پروردگار اسے ایک لاکھ نیکیاں عنایت کرے گا۔ اور اس کے ایک لاکھ محو کر دے گا اور اگر کی ایک لاکھ حاجتیں پوری کر دے گااور اس کے ایک لاکھ درجات بلند کر دے گا۔

نیزشیخؒ نے فرمایا ہے کہ روایت میں یہ بھی وارد ہوا ہے کہ جو شخص اس صلوات کو سات مرتبہ پڑھے گا، پروردگار اسے ہر بندہ کے برابر نیکی عنایت فرمائے گا اور اس کے اعمال اس دن میں مقبول ہوں گے اور روز قیامت اس شان سے آئے گا کہ اس کی پیشانی سے نور ساطع ہو گا۔

انشہ وہ روز عرفہ کے اعمال کے ذیل میں ایک صلوات کا اور ذکر ہوگا جس کا پڑھنے والا محمدؐ و آل محمدؐ کی خوشنودی کا حق دار ہو گا۔۲۸نماز عصر کے بعد ستّر مرتبہ کہے:۔

تا کہ پروردگار اس کے تمام گناہوں کو معاف کردے۔

۲۹سو مرتبہ سورۂ اناانزلناہ پڑھے کہ امام موسیٰ کاظمؑ سے روایت ہوئی ہے کہ پروردگار کی طرف سے روز جمعہ کے لئے ہزار نسیم رحمت ہے جس میں سے ہر بندہ کو اپنی مشیت کے مطابق عطا فرماتا ہے لیکن اگر کوئی شخص عصر روز جمعہ کے بعد سو مرتبہ اناانزلناہ پڑھ لے تو پروردگار ہزار میں بھی اضافہ کر دیتا ہے۔

۳۰ دعائے عشرات پڑھے جس کا ذکر اس کے بعد آنے والا ہے۔۳۱شیخ طوسیؒ کا ارشاد ہے کہ قبولیت دعا کی ساعت روز جمعہ کی آخری ساعت ہے لہٰذا اس وقت زیادہ دعا کرنی چاہئے۔روایت میں یہ بھی وارد ہواہے کہ وقت قبولیت وہ وقت ہے جب آدھا سورج ڈوب جائے کہ جناب فاطمہؑ ایسے ہی وقت میں دعا فرمایا کرتی تھیں۔ اور مستحب ہے کہ اس وقت میں وہ دعا پڑھے جو رسول اکرمؐ سے نقل کی گئی ہے۔

اس کے علاوہ روز جمعہ کی آخری ساعت میں دعائے سمات بھی پڑھے جس کا ذکر آئندہ آنے والا ہے۔