Salawaat Ma'soomeen Alaihimussalam

Sheikh Tusi ra ne Misbah mein A'maal-e-Roz-e-Juma mein farmaya hai ke hum se ashaab ki ek jama'at ne Abū al-Mufaḍḍal ash-Shaibānī ke hawaala se naql kiya hai ke unhon ne us ko khud Hazrat Abū Muḥammad 'Abdullāh bin 'Ābid Badaaliyyah se naql kiya hai ke maine apne Maula Imam Hasan 'Askarī a.s. se un ke ghar Saamarra mein 255 Hijri mein sawaal kiya ke mujhe harf harf kaifiyat-e-salawaat-e-Paighambar (S) wa Awṣiyā-e-Paighambar (S) likhvaa dein aur us ke liye main apne saath ek bada kaaghaz le kar gaya to Aan Hazrat ne apni zabaan mubaarak se mujhe baghair kisi kitaab ko dekhe hue is tarah likhvaa diya.