پہلی زیارت یکم ، ١٥ رجب و ١٥شعبان

پہلی زیارت: یکم رجب، نیمۂ رجب اور نیمۂ شعبان کے لئے ہے جس کے بارے میں امامِ صادقؑ سے روایت ہے کہ جو شخص روزِ اوّل رجب امام حسینؑ کی زیارت کرے پروردگار اسے بخش دے گا۔

ابن ابی نصر سے منقول ہے کہ میں نے حضرت امام رضاؑ سے سوال کیا کہ زیارت امام حسینؑ کے لئے بہترین وقت کون سا ہے؟ تو آپ نے فرمایا کہ پندرہ رجب اور پندرہ شعبان۔ شیخ مفیدؒ اور سید بن طاؤسؒ نے ذکر کیا ہے کہ یہ زیارت روزِ اوّل رجب اور شبِ نیمۂ شعبان کے لئے ہے اور شہیدؒ نے اس پر شبِ اوّل رجب اور شب و روزنیمۂ رجب اور روزِ نیمۂ شعبان کا بھی اضافہ کیا ہے۔ اس کا مطلب یہ ہےکہ یہ زیارت جملہ اوقات میں پڑھی جا سکتی ہے۔ اوّل رجب کے شب و روز، نیمۂ رجب کے شب وروز اور نیمۂ شعبان کے شب و روز۔ اس زیارت کا طریقہ یہ ہے کہ جب انسان زیارت کرنا چاہے تو پہلے غسل کر کے پاکیزہ لباس پہنے۔ اس کے بعد قبۂ مطہرہ کے دروازہ پر روبقبلہ کھڑے ہو کر رسولؐ خدا، امیرالمومنینؑ، حضرت فاطمہؑ، امام حسنؑ و حسینؑ اور باقی ائمہ کو سلام کرے۔ اس کے بعد وہ اذنِ دخول پڑھے جس کا ذکر زیارت عرفہ میں آئے گا اور اس کے بعد داخل ہو کر ضریح مقدس کے پاس کھڑے ہو کر سو مرتبہ

کہے اور اس کے بعد زیارت شروع کرے۔

اس کے بعدقبر مطہر کوبوسہ دے کر اپنے داہنے رخسار کو قبر مطہر پر رکھے اور پھر بائیں رخسار کو رکھے اور پھر قبر کے گردطواف کر کے چاروں گوشوں کو بوسہ دے۔

اور بقول شیخ مفیدؒ قبر حضرت علی اکبرؑ کی طرف جائے اور وہاں کھڑے ہو کر یوں کہے۔

اس کے بعد قبر سے لپٹ جائے اور کہے

اس کے بعد شہداء کا رخ کر کے کہے

اس کے بعد پلٹ کر سرِ مبارک کی طرف آئے اور دو رکعت نماز ادا کرے اور اپنے لئے اور اپنے والدین کے لئے اور برادرانِ ایمانی کے لئے دعا کرے۔ واضح رہے کہ سید بن طاؤسؒ نے حضرت علی اکبرؑ اور شہداء کی ایک زیارت اور بھی نقل کی ہےجس میں سب کے نام بھی ہیں لیکن اختصار کی بنا پر اور زیارت کے مشہور ہونے کی بنا پرمیں نے یہاں ذکر نہیں کیاہے۔