Sheikh Tusi ra ne Tahzeeb mein Yazeed bin Abdul Malik se riwayat ki hai aur unhon ne apne baap ke hawaale se apne jadd se riwayat ki hai ke main Janaab-e-Fatimah (S) ki khidmat mein musharraf hua. To Aap ne salaam mein ibtidaa farmaai is ke baad poochha ke kis kaam ke liye aaye ho? Maine arz ki ke main barakat aur sawaab haasil karne ki gharz se haazir hua hoon. Farmaya ke mujhe mere Padar-e-Buzurgwaar ne khabar di hai ke jo shakhs bhi mujh par aur un par teen din tak salaam karega Parwardigaar behisht us ke liye waajib kar dega. Maine arz ki ke yeh Aap ki ya un ki zindagi ka qissa hai? Farmaya yaqeenan bal ke marne ke baad bhi.