Pehli Raat Māh-e-Muḥarram

Sayyid ra ne Iqbāl mein is raat ki chand namazein zikr ki hain:

1. Do raka'at namaz, har raka'at mein Surah al-Faatehah aur Surah al-Tawheed..

2. Do raka'at namaz, pehli raka'at mein Surah al-Faatehah aur Surah al-An’am (No. 6) aur doosri mein Surah al-Faatehah wa Surah Yasin (No. 36).

3. Do raka'at namaz. Har raka'at mein Surah al-Faatehah aur gyārah martaba Surah al-Tawheed. Riwayat mein hai ke Rasool-e-Khuda (S) ne farmaya ke jo shakhs is raat mein do raka'at namaz padhe aur subh ko jo saal ka pehla din hai roza rakhe woh us shakhs ki tarah hai jis ne saal bhar neki ki pābandī ki ho aur woh tamaam saal mahfooz rahega aur agar maut aagayi to Jannat mein jaayega aur Sayyid ra ne is māh ke chaand ke liye ek ṭūlānī du'a zikr ki hai aur agar mumkin ho to is raat mein du'a wa namaz aur Qur'ān ke saath bedaar rahe.