20 Ṣafar Roz-e-Arba'īn Chehlum

Roz Bistum

Chehlum ka din hai aur Sheikhain ra ke ba-qaul Ḥaram Imam Husain a.s. Shaam se Madeenah palaṭ kar aaye aur yeh Jābir bin 'Abdullāh ke Ziyarat Imam Husain a.s. ke liye Karbala pahunchne ka din hai ke woh Imam Alaihissalam ke pehle zā'ir hain aur Imam Husain a.s. ki ziyarat is din mustahab hai. Aur Hazrat Imam Hasan 'Askarī a.s. se riwayat hai ke momin ki paanch 'alāmatein hain. Shab wa roz mein ikyāwan raka'at namaz fareeza wa naafila padhna aur chehlum ki ziyarat padhna aur daahne haath mein angoothi pehenna aur khaak par sajda karna aur buland āwāz se Bismillah kehna. Aur Sheikh ra ne Tahdhīb wa Miṣbāḥ mein is din ki makhsoos ziyarat bhi Imam Sadiq a.s. se naql ki hai jise hum Insha'Allah Ziyarat ke baab mein naql karenge.